Aesaya 30:23 - mzwDBL

²³ Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Aesaya 30:23 ပူးပေါင်းရင်းမြစ်များ

Aesaya 32:20

hɛɛ na somee, hɛɛ parɛ neerare nyoo, he kondɛɛra dɔ kpɔɡdɛɛɡa dɛɛ di.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Sekaria 10:1

Hé soŋe Korowii o fel nɛ bwaala. Korowiirii dɛɛ ɛ baama aa nɛ bwaala. Onee ɡela bwaala nɛ dɛɛ tɛ nɛwɛnyina, koo kwaa ɛɛ do wer dɛɛ tɛ nomɛlbwa.

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Yela 36:8

He tɛ yaa kondikwa a warɛ yaa di he dem, dɛ tɛ yaa he wedɛɛɡa, a do kɛ nee waa dɛ palɛ yaa nyɔ.

Mumpar 41:18

belaa n na nae anuanɛ aa do bwara dɛ do wer, dɛ le nee la ta baa chwe kpɔɡa o nyoa.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Mumpar 41:26

Nae anuanɛ aa do bwara la cheɡɔ tɛ bene anuanɛ, asɛ boyu anuanɛ aa ta pure kɛrɛdɛ la ɡe che tɛ bene anuanɛ. Webeŋkpoŋii a bwa ɛɛ baɡle.

Hosia 4:16

Israel tena deŋne kpeɡri, kɛŋɔ naneenanar a deŋne aa kpeɡa ken. Ɛrɛɛ men Korowii ɛɛ ba wona kpɔa la dibɔr kɛŋɔ baa teɡɛ pebiiri dɛɛ la dibɔr ɔ?

Mumpar 41:47

Bene anuanɛ kondikwa aa ɛa kohona la, koo kwaa ɛo kohona harɛ la ta,

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Aesaya 65:21

Baa do deenee dɛ́ so a bini, dɛ́ parɛ daa kooni, dɛ́ di a nɔna.

Lewi Dea Tena 25:19

Harɛ la ɛɛ ɛ kondikwaa tɛ heyaa he di ɡɛ haa dɛ nyin, dɛ́ so bosɔɔhna ta.

Lewi Dea Tena 26:3

Hé dɛ teŋɛ me Mmarare ne waa maa dɛ do heyaa a ta kɛrɛdɛ naa,

Lewi Dea Tena 26:5

Kondikwaa bala aa ba kohona nomanta, hɛɛ do mea lɔɔra taa dɛ daa nɔna chaara joɔ, ásɛ haa ba chaa daa nɔna ɡe la, dɛ mea ɡe dui saŋ telo. Hɛɛ dɔ kondikwaa bɛlbwa haa dɛ nyinii dɛ́ di, dɛ́ so deŋnesɔɔhna ta he harɛ ta.

Mmarare 11:14

wɛɛ ɡeloo bwaala nɛ heyaa saŋ aa chɛa ta, bwaala loɡla ne yoo bwaala bwa, ásɛ mea ne senfala ne ɔleve noo bu he nɛ,

Yela 67:7

Korowii ɛɛ swee yaa andɛɛɡaa, ásɛ nɛra baa lɔ harɛ jaɡa bwa ɛɛ tomɔ.