Aesaya 30:17 - mzwDBL

¹⁷ He nɛra kaɡboŋ ɛɛ na he dɔm beŋkpoŋii dɛ ɔmɔ dɛ́ chwa, he dɔma banue ɛɛ ɡeloo he bwa chwa, a ka he laa fraŋkaa ɡbo pa deŋɡare ta.”

Aesaya 30:17 ပူးပေါင်းရင်းမြစ်များ

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Jeremia 37:10

Hale dɛ he wono pɔ Babelɔn laa tena bwa nɛ, asɛ a ka banɔ la baa do ba bola ɡbo ba chɔ ba tɛnte deene bini kwaraa naa, baa iruu le dɛ́ ba fuh bwɛjen nɔ bwa.”

Wiile 4:19

Ba ɡbaŋre ɡwaa kɛŋɔ kee yon le nyundua la ken, dɛ ba tɔ ya nɛ. Ba ti yaa bwejena dor, dɛ ka sɔh dɛɛ kpaah yaa pua hɛŋle ɡbo harɛ ta.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Lewi Dea Tena 26:36

Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi.

Lewi Dea Tena 26:8

ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.

Emɔs 2:14

Nɛra baa won chwae la aa won le a nyoa, bokpeɡa tena ɛɛ ɛo kahonɛ, banyoo bɛlbwa ɡe aa won lɛ o nyu.

Sefania 3:12

Nɛra ba waa aa pwɛra ne nɛra baa kpɔ ba te dawɛ n nɛɛ laanee dɛ́ so bela, ásɛ ba ba n be, ń cha ba.

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Josua 23:10

He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.