Aesaya 30:13 - mzwDBL

¹³ he wechɔɡa ɛɛ ɛ heyaa kɛŋɔ danjwɛɛ waa pera dɛɛ ba chola, asɛ dɛ piɡri chole buɡ ta la.

Aesaya 30:13 ပူးပေါင်းရင်းမြစ်များ

Aesaya 29:5

Kɛ he dɔma baa wara ɛɛ berɔɔ ɛ kɛŋɔ bomboɡ mohooh ken, ásɛ peu kpɔ kaa, nɛnlaa ba nyu bini aa kpeɡa he nɛɛ ɛ kɛŋɔ mea pɛɡa peu yon kpɔa ir kaa la. Aa ɛo warane wɔrɔbe nɛ,

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Yela 62:3

Saŋ besoo hé bwa ɛɛ ba nɛn waa wola kpeɡe kɛ danjwɛɛ waa kɔɔhna dɛ́ chole nɔ yoi ɡela ɔ?

1 Koranar 20:30

Siiria tena baa kaa la chwao kaa bwɛjen Afɛk ta, asɛ danjwɛɛ baa maa bar bwɛɛ la chole, nɛra kaɡboŋa fifraanɛ dɛ banuanɛ nɛɛ dɛ kpoo ba. Kooro Bɛn Hadad chwao jo bwɛjen la bini dɛ ka sɔh dejeɡa bɛl bini dem bela.

Amanesoma Luk Aa Chwera Tɔn 6:49

Nomɛlbwa ɡe waa no n waa nɔ, waa wola ɡɛ aa baɡla la ɛ la, o do kɛŋɔ nɛn waa do o dea, o ta o mun pae bɔɔ kwii ka jaɡɛ bwetal ta mɔɔ dɛ den doo la. Nee aa pala ba jo dea la mun ta la, o cholo dɛ chɔɡ kwaraa.”

Matiu 7:27

Bwaala nɛo, nenapala suuɡi, asɛ peujen ta, asɛ dea la chole biram!”

Job Tɔn 36:18

Nyiŋi kɛrɛdɛ nomɛlbwa bɛ kondɔɔh kpɔ neɡre, bɛ ɡel sen yawa ɡole he wa.

Yela 62:4

He dɛ nyin kɛ he lɔɔ harɛ le bodɛɛɡe waa soɡa, he sie dɛ lɛ nyosone teŋa ta. Wobosoma dɛ le he nyoo, kɛ he bambile ta te, taahna ɡbosoo.

Sɛɡla 6:15

Anomanta, kerabeŋkpoŋii wekpeɡa ɛɛ ba ba nɛɛ bala, buɡ taa aa ba ba nɛɛ chiɡa, dɛ́ chɔɡ ba, ba chah kahonɛ.

Aesaya 22:14

Koranar Bwa Kooro ɡbaɡba bol n be ŋɔ, “Maa ɡɛ wechɔɡa nɔɔ kpɔ kɛ ba bwa ka tel ba seo tɔpere. Men Korowii, Koranar Bwa Kooroo bola.”

Aesaya 26:21

Hé no! Korowii le o dobɔr nyundua dɛɛ ba, dɛ́ ba tɛr nɛra baa lɔ harɛ ta deŋne ba wechɔɡa wa. Harɛ ɛɛ le nɛra baa sɔah kpoo nɛra laanee tɛ, waa ban kpɔ sɔh kpa.

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Aesaya 47:11

Wekpeɡa ɛɛ pui, he bebee waa bwa aa won sɔɔh a nyoa. Siswɛm waa ɛɛ pui, waa haa wola a waa deere bwa piɡri.

Aesaya 48:3

Fini laa n le dɛ bol waa aa ɛa. N bola biɡri asɛ he jemɛ, buɡ la taa n den ɡel a ɛ.

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”