Aesaya 30:10 - mzwDBL

¹⁰ Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Aesaya 30:10 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Emɔs 7:13

Bɛ Korowii waa la bol Bɛtel bonɔ kpa, dɛkalkɛ bonɔɔ harɛ nɔ ta nɛra ne kooro bwa ba dɛ baa tomɛ.”

Emɔs 2:12

Kɛ he ɡelɔ Nasiri tena nyɔ sen, dɛ do n keamere ŋɔ ba bɛ n waa aa dɛ ba bala la ka bol.

Jeremia 11:21

Anomanta, Korowii ŋɔ Anatɔt baala bane ŋɔ n bɛ Korowii waa bol o sɔn ta, ɡɛ laa aa baa kpo mɛɛ.”

Wepila 11:7

Dɛ danseɛ tena la bol waa la tonaa, olchɔɡe bɛl ɛɛ le Bɔnsam Bɔluŋ la taa, dɛ́ ba yoo ba, dɛ́ pɔ ba nɛɛ dɛ́ kpoo ba,

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Maeka 2:6

Ba keamere ŋɔ, “He bɛ Korowii waa aa dɛ ba bala kerekere la bol. Hɛ́ɛ berɛ a ɡɛ waa nɔ bola, sihiih bɛlbwa aa won di yaa.”

1 Koranar 22:27

dɛ́ ka ŋɔ ba be ŋɔ, n ŋɔ bá lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

Galaasia 4:16

Aah n kasinteŋ maa dɛ di heyaa nɔɔ ɡela n berɛ ɛ he dɔm taraken nɔ kɛɛ?

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 4:17

Hé ɡel ya aah ba ŋɔ ba bɛ wobɛlbwa bol Yeesu sɔn ta bobɛlbwa kpa, ásɛ waa nɔ bɛ won kaa bojaŋ kpa.”

Amanesoma Jɔn Aa Chwera Tɔn 8:45

Kɛ n te maa dɛ bol kasinteŋ la waa haa wola men yarada la.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Jeremia 29:27

Ɛrɛɛ he ta Jeremia waa le Anatɔt dɛɛ bol waa kɛŋɔ Korowii keame la kaeh yɔ?

Jeremia 26:11

Belaa sɔfore, ne Korowii keamere la ŋɔ nomonome la ne nɛra la bwa be ŋɔ, “Baa nɔ chɛ kɛ ba kpoo, dɛkalkɛ o bol Korowii waa yaɡɛ bwɛjen nɔ nɛra. He ɡbabir noɔ!”

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 16:10

Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

2 Timoti 4:3

Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,

2 Timoti 4:4

dɛ́ laa ba deŋne kpɔ kasinteŋ waa la ta, dɛ́ kaa no nyosonwa.

1 Samoɛl 9:9

Saŋ la dɛ Israel te dɛ nyin o bɔɔ waane le Korowii be naa, o yon ŋɔ, “Ba ya la ka na nɛn waa dɛ na chaahna. A ɡɛ nɛn nɔɔ baa yerɛ Korowii keame fini la.”

Aesaya 5:20

Hé bwɛɛlɛ, he banɔ la haa dɛ yerɛ wechɔɡa wedɛɛɡa, dɛ berɛ dɛɛ yerɛ wedɛɛɡa wechɔɡa, haa kpɔ biro berɛ bochaah, dɛ kpɔ bochaah berɛ biro. Hé kpɔ koŋkpela berɛ kontora, dɛ kpɔ kontora berɛ koŋkpela.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Jeremia 36:29

Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Job Tɔn 41:3

Wɛɛ teŋɔɔ dɛɛ soŋe wobopwɛra ne ŋɔ hé na o sum aa?

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”