Aesaya 3:24 - mzwDBL

²⁴ Konsɔɔhsoma a fe aa ɡel ba bwaraa sɔɔh do som la, sɔɔhraa ba bwara ɛɛ ba sɔɔhra, ásɛ ɡboɡbie ber ba kirisore, ásɛ ba nyumpona ba yon ɛa a do wer la bwa chure, ba nyuune ɡba, ba laaladɛɛɡa bwa berɛ yakwane, ásɛ ba wer tu, ba berɛ di sihiih.

Aesaya 3:24 ပူးပေါင်းရင်းမြစ်များ

Ɛsekeɛl 27:31

Baa koh he waa fonɛ ba nyuune, dɛ́ kpɔ lweyale tɔ. Baa wiu kohona tɛɛ lokua ne.

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Maeka 1:16

Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 15:3

Ba tɔ lweyale fɔɡbaahna bwa, saldor ne bela baa dɛ cheme bwa, ba ne siniiree, ba wio dɛ ba tal.

1 Pita 3:3

Gɛ haa dɛ ɛ he nyumpona, ne suuɡaswɛm koŋkwaare kɛŋɔ baŋa kwaa ne deŋna kwaa doe, ne laala haa dɛ do laa dɛ ɡel he do wer toli.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Ɛsta 2:12

Mɔɔ toli la bɛlbwa dɔ bɔr la kooro be o ne ó chɔ la, korobie fi dɛ anɛɛ o kpɔ dɛɛ kwaa o te. Korobie anumɛlee o kpɔ dɛɛ fɔɡle nosɔɔhsoma baa dɛ yera korobo la, dɛ́ berɛ fɔɡle konsɔɔhsoma aa dɛ kwaa bwara ɡe korobie anumɛl.

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Joel 1:8

Hɛ́ɛ wi kohona kɛŋɔ bitolo aa liɡe lweyal dɛɛ wi o bechajaa waa sewa la ken.

Ɛsekeɛl 7:18

Baa kpɔ lweyalee tɔ ɔmee laɡ ba kohona. Sihiih ɛɛ kpo baa ba fonɛ ba nyuune bwa ta, á baɡle kɛ ba dɛ di suna.

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.

Sɛɡla 31:24

O dɛ sɔh yapondɛɛɡa ne kirisore dɛ yoɡ dɛɛ tɛ bonadiire.

Sɛɡla 7:17

Dɛ kpɔ korobo ne konsɔɔhsoma bwa soo siwi merɛ o ta.

Job Tɔn 16:15

N tɔ lweyal dɛɛ wi, Korowii pɔ n nɛɛ n so bomboɡ ta.

Mmarare 32:24

Lɔr ɛɛ kpo heyaa kohona he ɡwaŋre dɛ serewe, weechɔɡaa dɛɛ ba heyaa kpoora. Mɛɛ ɡeloo kpɔɡ bini ola lawɛ heya, domkpuli choɡe heya.

Mmarare 28:22

Wɛɛ ba weela aa dɛ bu nee, kabul ne ɔɡra, dɛ́ berɛ ɡel hwel che bɔr wɔrɔbe, ásɛ he konduula chɔɡ. A ɡɛ wekpeɡa nɔ bwa ɛɛ chole he nɛɛ ka tel kɛŋɔ haa serewa.

Jeremia 49:3

Hɛsbɔn tena, hé do lɔŋɔre bwɛjen Ai chɔɡa wa. Nɛra haa lɔ bwɛjen Raba, hé ɡe wi! Hé kpɔ lweyale tɔ dɛɛ wi, dɛɛ chwa bobɛlbwa yalayala ken, dɛkalkɛ baa kpɔ he voɡ Molɛk ne o kerekpoŋra, dɛ nomonome bwaa kaa bojaŋ harɛfale ta.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Aesaya 3:23

ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.