Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aesaya 3:14 - mzwDBL

14 Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

အခန်းကိုကြည့်ပါ။ ကော်ပီ




Aesaya 3:14
34 ပူးပေါင်းရင်းမြစ်များ  

Haa dɛ ɔmɛ Korowii waa wɛɛ ba he pwaeh, dɛ́ bol he waa kɛɛ?


Bɔr joɔ waa, dɛ nɛn waa dɛ kpoo nɛra iro, dɛ́ kaa kpoo nɛŋɡwɛɡra ne nyaara, jwaana dɛɛ bɛɛ kɛŋɔ ŋwɛɛ.


Ba lɛ bilalbie o taa dɛ ɔr le o nya be, dɛ lɛ nyaa bie ka cheɡ awɔba.


A ta hiaih kɛ Korowii nyiŋi nɛra waa bini la sie, mɔɔ ba ba o be o bol ba waa dɛ́ pa bole.


Ba dɛ sɔh dɛɛ kpa kɛŋɔ nyujente ken, dɛ́ pɛɡle lawɛ nɛra baa wola nomɛlbwa dɔe ó lɛɛ ba, dɛ́ laɡ ba, dɛ́ tɛɡ ba kaa.


Korowii ŋɔ, “Amɔ wechɔɡ-ɛɛra ɛɛ hweli waa yaa? Banee lawɛ n nɛra baa teŋɛ n nɛɛ dɛɛ liɡli kɛŋɔ kondikwa, baa wola men Korowii soŋe ŋɔ ń cha ba la.”


Bɛ men maa ɛ he bonɔɔ daah na, nomɛlbwa toole o waa toɡre he sie.


Nɛra bane dɔ kpeɡri dɛ kpɔ dɛɛ fiiɡi nyaara ne nɛŋɡwɛɡra, dɛɛ lɛ kwa, a ɛ ŋwɛnɛ baa kpɔa so, dɛ́ chɔɡ ba le nɛra bini.


Nɛra baa dɛ do mmarare aa wola aŋwɛnɛ ta ɛɛ, ne mmarakpeɡa dɛ́ fiiɡi nɛra la, ba bwɛɛlɛ.


Ba laa nyaara waa sie dɛɛ berɛ, dɛ laa nɛra baa lɔ wahala ta waa dɛɛ ɡole, dɛ lɛ luhaahna kwaa dɛɛ le ba be, dɛ berɛ dɛɛ kah bilalbii ɡe kwa.


Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.


Nɛra baa nyaa kohona ɛɛ dɔ kwaa dɛɛ di, ásɛ banɔ la ba soɡa bini aa kpeɡa tɛɛ ba ɡe dɔ bɔr chɔ bosɔɔhna ta, komɛlbwa aa ban ɛ. Kɛ he Filisti tena te, lɔree mɛɛ ba kpɔe kpoo heyaa he mun he harɛ la ta. He bini bɛlbwa aa kae ba.


Nɛra baa dɛ fiɡ ba, ne nyaara ɛɛ valɛ o taa, dɛ́ tiɡru do harɛ.


Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.


Anomanta, Israel Nɛŋɡoroŋ la ŋɔ, “Haa vɛh waa nɔ, dɛ kpɔ he ɡbaɡba ŋwɛnɛ dɛɛ di kpeɡri nɛra nɛɛ dɛɛ neɡ ba nomanta,


Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.


He nyoa vɔwa habɔɔ he ɡarɔ dɛɛ yo. He dɛ lɔɔ dɔŋa nɔŋɡuŋe ne. He dɛ lii kɛŋɔ ɡɛ nɔɔ dɛ́ ɡel n no he wesoŋa kɛɛ?


Peteɡra kpɔ ba peera ba tiɡri n daa koo do harɛ, kɛŋɔ harɛre ane koranar aa chɔɡ n nɛra la. A ɡelɔ koo n sie aa dɛ lɛ o ta chɔɡ, dɛ berɛ pua hɛŋle ɡbo harɛ.


Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.


dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.


Mɛɛ ba he ne pua hɛŋle ɡbo harɛ harɛre aa baro la taa, n ne he sie ɡba dɔŋa, ń bol he waa dɛ́ tɛr he deŋne.


Gɛ maa bol he naawa wa dɛ pa ba bole Sinai pua hɛŋle ɡbo harɛ ta la, ɡɛɛ mɛɛ ba heyaa ɛɛ. Men Nemenɛ Korowiirii bola.


Anomanta, dɛ he yoɡ harɛ kɛɛ dɛ yawɛ le he dɔŋ be naa, a ta chɛ kɛ he den kpɔ berɛ he kon kwara.


Hɛ́ɛ ɔmɛ Korowii dɛ́ɛ berɛ dɔŋa faahra. Men Korowiirii bola.


Ba tiɡri nyaara dɛɛ do harɛ kɛŋɔ teera ken, dɛ vɛh nɛra baa dɛ fiɡ ba waa bola dɛ tɛɛ ba aŋwɛnɛ ta. Mɛɛ ne o bie bwa pɛ hahbeŋkpoŋ, dɛ kpɔ doŋa kah men Korowii sɔn waa do ɡoroŋ la.


Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”


Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.


Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.


He dɛ chwe ba ola dɛɛ swe ba bɔtɔne, dɛ chɛwɛ ba hoɡa jeɡrejeɡre, kɛŋɔ ba yon chɛwɛ ola do vii bini la ken.”


Mɛɛ won soh he nyubinikpeɡ tena kondɔɔh haa cheɡa ka su deene, ne kwaa haa kpɔa maɡɛ kwaa dɛɛ faah nɛra n haah la wa aa?


A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.


Kɛ he te lawɛ nyaara sie teɡɛ harɛ. Dɔɔhna laa dɛɛ fiiɡi heya, dɛ lawɛ heyaa kaa che kɔɔto la aa?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ