Aesaya 29:9 - mzwDBL

⁹ Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 29:9 ပူးပေါင်းရင်းမြစ်များ

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.

Amanesoma Mak Aa Chwera Tɔn 14:41

Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo.

Matiu 26:45

O berɔ ba o habɔteŋra la be dɛ ba pɛɛ ba ŋɔ, “Domii he chɔ dɛɛ onaa? Saŋ baa dɛ ba Men Nɛn Bie la kpɔe do wechɔɡ-ɛɛra nɔn ta la telo.

Habakuk 1:5

Ate, Korowii bol o nɛra be ŋɔ, “Hɛ́ɛ nyiŋi harɛre nɛra baa bar heya cheme dɛ́ɛ pese ba. Hɛ́ɛ na waane ba binii a ɛ heyaa nyokpoa kohona. N dɛ ba waane ɛɛ he saŋ nɔ ta, háa wola lii kɛŋɔ aa bao. Dɛ ba bol he be ka kwaraa naa, haa yarada.

Wiile 4:21

Edom ne Us tena, hé hɛɡre dɛ́ ɡel he sie lɛ. He ɡe chɔɡa dɛ ba, hɛɛ yɛɛɡoo mumɡbal ne, ásɛ sihiih kpo heya.

Jeremia 51:7

Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.

Jeremia 25:27

Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Jeremia 2:12

Kwaa aa lɔ nyundua, hé ɡel he nyoa kpo hɛɛ chel ɔmee ne kohona. Men Korowiirii bola.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 29:1

Jerusalam tena hé bwɛɛlɛ! He bwɛjen Kooro Devid aa soɡe o ta la ɛɛ chɔɡoo. Bena bɛlbwaa he teŋɛ dɛɛ di he tɔpejena,

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 4:9

Korowii ŋɔ, “Awola tɔpere la, kooro ne nomonome bwa bambile ɛɛ teŋoo, sɔfore nyoa kpo kohona, ásɛ bɔyɔra kohona chole n keamere nɛ.”

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Jeremia 13:13

Ásɛ he berɛ ŋɔ ba be ŋɔ men Korowii dɛ ba ɡela nɛra baa soɡe harɛ la ta dɛɛ, kɛŋɔ baa nyɔ sen ken. Hale koranar baa ɛ Kooro Devid naanar, ne sɔfore ne n keamere, dɛ banɔ la baa soɡe Jerusalam bwa jao.