Aesaya 29:2 - mzwDBL

² kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 29:2 ပူးပေါင်းရင်းမြစ်များ

Aesaya 1:14

N bambile aa he Korobifala Tɔpejena dii ne tɔpejena haa lea cheɡ dɛɛ di kwa dɛɛ lɛ sie a ta la lawɛ. Name te n koɔh, a le n mee.

Aesaya 10:32

Fini tɔpere nɔ, baa bao dɛ́ ba che Nɔb. Baa nyiŋi Jerusalam Saayɔn Bwejen la taa, dɛ́ ume nɔɔra pa ba nɛɛ dɛɛ aah ba.

Aesaya 17:14

A tel jɔmɔra aa, ba dɛ ɛ ɔmewa, kɛ tɔɔ ne pera chɔɔ dɛ ba kaalɔ. A ɡɛ waa nɔɔ dɛ́ chiɡ nɛra baa bal ya laala kɛ laa ta kwa kaa la nɛ.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 34:6

Chal ne noo ɡboo tɔ Korowii kere la bwa, kɛŋɔ baa kpo pebiiri ne boohna dɛ ler a kporombie ɛ saraha ken. Korowii dɔ saraha ɛɛ bwɛjen Bosra. Nɛra ɛɛ serewoo kɛrɛdɛ kere la nyoa, Edom harɛ ta.

Aesaya 36:22

Ate, Eliakim ne Sɛbna dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

Aesaya 37:3

Waa waa kpɔa tɛ ŋɔ ba ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Wiile 2:5

Korowii do kɛŋɔ dɔm dɛ ba chɔɡ Israel harɛ. O ɡelɔ o dekpeɡa ne kooderemi bwa berɛ dimɡbeeni, dɛ kpɔ wii ne suna dii aa wola jaɡa dɔe ba ta Juda tena nɛ.

Ɛsekeɛl 22:31

Mɛɛ kpɔ n banfuih ba ta ba nɛɛ kohona, dɛ́ chɔɡ ba, ba waa baa ɛa la wa. Men Nemenɛ Korowiirii bola.”

Ɛsekeɛl 39:17

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, yerɛ jumbii bwa soo siwi, dɛ kpɔɡ bini olchɔɡa bwa ŋɔ, ‘Hé bwa le ba boa nyoa, dɛ́ di saraha maa dɛ ba ɛɛ dɛ tɛ heyaa nɔ. O ɛ sarahajen Israel bwejena dor. Hɛɛ di olaa dɛ́ nyɔ chal.