Aesaya 29:14 - mzwDBL

¹⁴ Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Aesaya 29:14 ပူးပေါင်းရင်းမြစ်များ

Habakuk 1:5

Ate, Korowii bol o nɛra be ŋɔ, “Hɛ́ɛ nyiŋi harɛre nɛra baa bar heya cheme dɛ́ɛ pese ba. Hɛ́ɛ na waane ba binii a ɛ heyaa nyokpoa kohona. N dɛ ba waane ɛɛ he saŋ nɔ ta, háa wola lii kɛŋɔ aa bao. Dɛ ba bol he be ka kwaraa naa, haa yarada.

Aesaya 28:21

Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Amanesoma Luk Aa Chwera Tɔn 10:24

Kasinteŋ, Korowii keamere ne koranar kɛrɛdɛ fe dɛ nyin waa haa dɛ na dɛɛ no nɔ, dɛ́ no dɛ́ na, kɛ ba ta dɔe.”

Obadia 1:8

Korowii ŋɔ, “Awola tɔpere la, mɛɛ tɛr Edom wejerema deŋnee, nɛra baa dɛ no waa mun dɛ so bwejaŋa dor bwaa mɛɛ ba chɔɡa.

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”

Job Tɔn 12:17

O lɛ nɛra baa dɛ ja nɛra wejema, dɛ ɡel nɛra baa bol waa dɛɛ pa bole do kɛŋɔ ɡɛna ken.

Jeremia 19:7

Bonɔɔ mɛɛ ba Juda ne Jerusalam tena vɔrɔwa baa vɔrɔwa bil bwa chɔɡa. Mɛɛ ɡeloo ba dɔma pɔ ba nɛɛ dɛ́ kpoo ba laa ta, ásɛ ba ola berɛ jumbii ne kpɔɡ bini ola kondikwa.