Aesaya 29:10 - mzwDBL

¹⁰ Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 29:10 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 11:8

Anee ba chwerɛ Korowii Tɔn bini ŋɔ, “Korowii saa ba liire, dɛ tɛɛ ba sie aa wola kasinteŋ laanee na, ne deŋna aa wola kasinteŋ laanee no, dɛ kpoŋe ba le fini tɔpere nɔ” la.

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

1 Samoɛl 9:9

Saŋ la dɛ Israel te dɛ nyin o bɔɔ waane le Korowii be naa, o yon ŋɔ, “Ba ya la ka na nɛn waa dɛ na chaahna. A ɡɛ nɛn nɔɔ baa yerɛ Korowii keame fini la.”

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Maeka 3:6

Anomanta, keame nyosonteŋna, a dɛ ba doe kɛŋɔ bɔr aa joa ta he nɛ, haa won dɛɛ na chaahna kɛɛ dɛɛ voɡɛ ɡe kpa.

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Yela 69:23

Gel ba nyoŋe, ásɛ dɛɛ na wahala saŋ bɛlbwa.

1 Samoɛl 26:12

Anomanta, Devid kpɔ lampea ne loŋ waa dɛ do nee o bini o che o nyu bɔr la, asɛ ba kaa. Nomɛlbwa ta nae, bɛlbwa ɡe ta harɛ. Ba bwa chɔɔ ka ɡarɛ dɛkalkɛ Korowiirii ɡela a ba ɡɛ.

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Aesaya 29:14

Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Aesaya 43:27

He nabaa waa tɔ sie la ɛ wechɔɡa, asɛ he nomonome bwa kpaŋe n nɛ.

Jeremia 4:9

Korowii ŋɔ, “Awola tɔpere la, kooro ne nomonome bwa bambile ɛɛ teŋoo, sɔfore nyoa kpo kohona, ásɛ bɔyɔra kohona chole n keamere nɛ.”

Wiile 4:14

A ɡɛ keamere ne sɔfore la dɛ ɡaaɡe fɔɡbaahna kɛŋɔ nyoŋa ken. Nɛra aa cheɡɛ ba nɛɛ ba serewe, ba chale do ba nɛɛ la ɡelɔ ba kah doŋa, anomanta, nomɛlbwa aa won leɡ ba.

Maeka 2:6

Ba keamere ŋɔ, “He bɛ Korowii waa aa dɛ ba bala kerekere la bol. Hɛ́ɛ berɛ a ɡɛ waa nɔ bola, sihiih bɛlbwa aa won di yaa.”