Aesaya 28:9 - mzwDBL

⁹ Gɛ nɛra nɔ ɛɛ bol men Aesaya waa ŋɔ, “Umee o bol Korowii waa dɛɛ baɡle ɔ? Umee o pili waa mun dɛɛ tɛ nɔɔ? Bechale baa ta elee a do wer tɛ.

Aesaya 28:9 ပူးပေါင်းရင်းမြစ်များ

Yela 131:2

N liire ba harɛ n deŋne sɔɔh mɛ. Gɛ bechala yon dawɛ o nya nakpale ta jeiih o bwara sɔɔhno la, ɡɛɛ n bwara sɔɔh mɛ.

Yela 50:17

He hah waa maa do heyaa a ta la, dɛ kpɔa ta habɔɔ.

Sɛɡla 1:29

Hé kii wejema, haa nyin kɛ he ɔmɛ Korowii.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 28:26

O jemɛ o toma. Korowiirii baɡlo anɔ la aa wera.

Aesaya 30:20

Korowii ɛɛ ɡeloo wekpeɡa ne hɔhɔrɔwa ba he nɛ, kɛ waa o webaɡlaa kpɔ sɔh heya. Wɛɛ kpɔ o tenee baɡle heyaa hé nao.

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Aesaya 53:1

Anee nɛra la chaŋe ŋɔ, “Umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Jeremia 35:13

“Ir la ka ŋɔ baala baa lɔ Juda ne Jerusalam be ŋɔ, ‘Amɔ haa waa hweli ásɛ dɛɛ teŋɛ men Koranar Bwa Kooro, Israel tena aa dɛ tom mɛ waa ta naa?

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 6:10

Anee men Jeremia chaŋe ŋɔ, “N ŋɔ n bol wa dɛ́ kah ba aa, umee dɛ́ no n be nɔ? Ba ɛ deŋnekpeɡ tena dɛ vɛh he waa noe. Ba dɛ mamɛ waa haa ŋɔa n bol la.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Amanesoma Mak Aa Chwera Tɔn 10:15

Kasinteŋ, n dɛ ŋɔ he be, naate waa wola o te kpɔe tɛ Korowii dɛ yaradao ɡɛ bechala aa dɛ ɛ la, waa bɔree dɔ dɛ ba ja o Kora la ta.”

Amanesoma Jɔn Aa Chwera Tɔn 12:38

Anɔ dɛ baɡle kɛ Korowii keame Aesaya waa waa bola la ɛ kpela. O bolɔ ŋɔ, “N Dɔɔ, umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?”

Amanesoma Jɔn Aa Chwera Tɔn 3:19

Ba bolchɔɡe pae munii kɛŋɔ nii waa dɛ chaah bɔr la ba harɛ nɔ ta, kɛ nɛwɛnyini berɔ dɛɛ nyin biro ɡwaa nii la, dɛkalkɛŋɔ ba wobɛlbwa ɛ wechɔɡa.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.