Aesaya 28:7 - mzwDBL

⁷ Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Aesaya 28:7 ပူးပေါင်းရင်းမြစ်များ

Yela 107:27

Ba valɔ dɛɛ yɛɛɡe kɛŋɔ sennyɔdɛɛra ken, ba ta hwɛɡa bɛlbwa dɔe.

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Sɛɡla 23:30

Nɛra baa soɡe sen mun dɛɛ biɡri, kɛɛ dɛɛ daɡɛ sen baa koora a do kpeɡri la.

Wejereme 10:17

Kɛ harɛ o nɛra kooro aa ɛ koobie, ba nomonome ɛɛ di kwaa saŋ waa wera ta, dɛ dɔ bokpeɡa ɡwaa kɛ baa nyɔ sen dɛɛ la, ba na som.

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Aesaya 24:2

Gɛ webeŋkpoŋ nɔ ɛɛ pu nɛra ne ba sɔfore, bonɔɔna ne ba dɔɔranar, bonadiire ne yarawa ne banɔ la baa dɔa dɛɛ kemɛ nɛra, ne banɔ la baa laŋa kaa kemɛ, dɛ dɔɔhna ne nyaara.

Aesaya 24:20

Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Aesaya 29:11

Waa aa dɛ ba chiɡa kerekere ba naa kɛŋɔ chaahna ta nɔ, he bee a do kɛŋɔ waa chwera do tɔn ta, dɛ marɛ o nyoa. Asɛ dɛ he kpɔɔ tɛ nɛn waa jemɛ kura dɛ ŋɔ, “N poori, kure ń no aa,” o ŋɔ, “Maa won kure, ba marɛ o nyoa.”

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Aesaya 43:27

He nabaa waa tɔ sie la ɛ wechɔɡa, asɛ he nomonome bwa kpaŋe n nɛ.

Aesaya 5:11

Hé bwɛɛlɛ, he banɔ la haa ira chɔmbibi dɛɛ ti sen, he banɔ la haa dɛ were sen mun ka tel kɛŋɔ haa dɛɛra.

Aesaya 5:22

Hé bwɛɛlɛ, he banɔ la haa dɛ yerɛ he te baala sen nyɔe ta, he baah su haa wola sen baa kpɔa koo dɔŋa nyɔe ɔmɛ la.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 23:13

N na waane maa kia keamere baa lɔ Samaria nɛ. Ba dɛ bol waa voɡ Baal sɔn ta, a ɡel n nɛra Israel tena nyoɡre ŋwɛnɛ.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Wiile 2:4

O do kɛŋɔ dɔm waa harɛ o to pa ba nɛ, dɛ kpoo nɛra ba sie aa dɛ lɛ ba nɛ dɛɛ nyin ba kohona. O bandia kohona la ba Jerusalam tena nɛ.

Ɛsekeɛl 13:7

N ŋɔ ba be ŋɔ, ‘He wepila haa naa la bwa ɛ nyosone, asɛ waa haa ŋɔa aa bao la ɡe ta kasinteŋ ɛɛ. He ŋɔ, men Korowiirii pila dɛɛ baɡle heya, dɛ n ɡe laa bola.’ ”

Ɛsekeɛl 44:21

Sɔfo bɛlbwa dɛ ba Dea la bini dembaah la ta joe yaa, o bɛ sen nyɔ.

Hosia 7:5

Kooro tɔpejen bɛl dii ta la, nomonome la nyɔ sen dɛɛ, asɛ kooro ne sennyɔɔra la dɛɛ, dɛɛ ɛ ɡɛnewa.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Habakuk 2:15

Babelɔn tena, he bwɛɛlɛ! He tɛ he bala sen ba nyɔ dɛɛ, dɛ chɔ mumɡbal dɛ di sihiih.

Habakuk 2:16

Jirima he fe aa dɔ la ɛɛ berɛ sihiih. He saŋ telo name, hé nyɔ dɛ́ chɔ mumɡbal! Korowii ɛɛ ɡeloo he ɡbaɡba nyɔ o danana nee aa su numol, ásɛ ncho dii tɔ jirima he fe aa dɔ la ta.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Ɛfesos 5:28

Gɛɛ chɛ kɛ baala ɡee nyin ba haahna kɛŋɔ ɡɛ baa dɛ nyin ba ɡbabir bwadabii la. Baa bɛlbwa waa dɔ haah dɛɛ nyinu ɡɛ la, o ɡbabirii wɛɛ nyin la.