Aesaya 28:22 - mzwDBL

²² He bɛ jae maa dɛ ja heyaa nɔ mamɛ, ásɛ he wahala haa dɛ́ ba nae la bɛ he nɛɛ ba ɡwaa kohona. Korowii, Koranar Bwa Kooro bol n be, maɡla waa maɡla bil kɛŋɔ wɛɛ chɔɡ harɛ bwaa la.

Aesaya 28:22 ပူးပေါင်းရင်းမြစ်များ

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Matiu 27:44

Dɛ ɡɛɛ ŋwɛɛra baa kpaa ba pɛl daɡaɡra ta ja o nɛɛ la ɡee chɛɡro.

Matiu 27:39

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ,

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Jeremia 39:7

dɛ foromi Kooro Sedekia sibie dɛ doo ayaawa jɔɡrɔre, dɛ kpɔɔ kaa Babelɔn harɛ ta.

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 15:17

N laa n te kpɔ nɛra baa soɡa dɛɛ do ɡbɔɡa, dɛɛ hɛɡre kɛŋɔ sennyɔdɛɛra bini. N ɡbo soɡo, dɛkalkɛ he ja n nɛ, asɛ bwaawee far mɛ.

Yela 107:16

dɛkalkɛ o kuuɡi ayaawa ɡbeni, dɛ teŋni bune baa kpɔa kaɡra.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Webena 30:10

Toroma la le bela, dɛ la bwɛjen bɛlbwa ta Efrem ne Manasɛ deene harɛre ta, dɛ ka le Sebulon dea harɛ ɡe ta bwa, kɛ nɛra la mam ba dɛɛ muɡli ba baah.

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Aesaya 28:23

Hé cheɡ deŋne dɛ́ no n be! Hé no waa maa dɛ bol nɔ kɛrɛdɛ.

Jeremia 36:23

Jehudi aa kure tɔn la baŋne atoro kɛɛ anaarɛ tonɛ la, kooro la kpɔ kerejeɡa teŋe tɔn la bini, dɛ paa ta koropɔɔto la bini, ka tel kɛŋɔ tɔn la bwa aa fuah.

Neehum 1:9

Korowii vɔrɔwa bɛlbwa dɔma aa vɔrɔwa la, wɛɛ chɔɡ a bwaa, wekpeɡa bɛlbwa aa berɛ ba nɛɛtena kpa.

Kaala 8:25

Belaa Ijipt kooro yerɛ Mosis ne Arɔn dɛ ŋɔ, “Hé ir kaa dɛ́ ka kpoo kwaa tɛ Korowii n harɛ ta bonɔ.”

Sɛɡla 19:29

Deŋnetɛra chɔ le kpa bammuɡli nɛn, ɡɛɛ lɔɔra ɡe do le tɛ ɡɛne.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Ɛsekeɛl 22:14

Baa wono che n deŋnetɛra nyoa dɛ ta dɔ bokpeɡa awola maa ba tɛr ba deŋne la kɛɛ? N bol wa aa, n dɛ teŋɛ a ta. Men Nemenɛ Korowiirii bola.