Aesaya 28:21 - mzwDBL

²¹ Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Aesaya 28:21 ပူးပေါင်းရင်းမြစ်များ

2 Samoɛl 5:20

Anomanta, Kooro Devid iro, dɛ ka yoo ba Baal Pɛrasem, dɛ pɔ ba nɛ. Dɛ ŋɔ, “Gɛ nee yon su ba tɔ bobɛlbwa la, ɡɛɛ Korowii ba tɔ n dɔma nɛɛ n sie.” Anomanta, ba dɛ yerɛ bela Baal Pɛrasem.

2 Samoɛl 5:25

Gɛɛ Kooro Devid ɛ ɡɛ Korowii aa doo bwa, dɛ won doŋi Filisti tena le Gebeɔn ba Gɛsa.

1 Webena 14:11

Anomanta, Kooro Devid iro, dɛ ka yoo ba Baal Pɛrasem dɛ pɔ ba nɛ. Dɛ ŋɔ, “Gɛ nee yon su ba tɔ bobɛlbwa la, ɡɛɛ Korowii ba tɔ n dɔma nɛɛ n sie.” Anomanta, ba dɛ yerɛ bela Baal Pɛrasem.

1 Webena 14:16

Gɛɛ Kooro Devid ɛ ɡɛ Korowii aa doo bwa ta, dɛ won doŋi Filisti tena le Gebeɔn ba Gɛsa.

Yela 94:16

Umee dɛ́ che n habɔɔ, dɛ́ lɛɛ mɛ le nyubinikpeɡ tena nɔn ta nɔ? Umee dɛ́ che tɛ mɛ dɛ́ lɛɛ mɛ le wechɔɡ-ɛɛra nɔ be nɔ?

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Aesaya 29:14

Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Aesaya 29:23

Ba baa na ba bii ba bini, ɡɛ maa ɡela ba warɛ la aa, baa duu mɛɛ, dɛ́ sɛh kɛŋɔ menee Israel Nɛŋɡoroŋ la, dɛ́ ɔmɛ men Korowii baa dɛ tom mɛ la kohona.

Aesaya 64:2

Aa ɛo kɛŋɔ nee yon chɔŋɛ nii ta dɛɛ wure chachacha la. Ba dɛ́ ba baɡle he dɔma he kpeɡri, dɛ́ ɡel harɛre nɛra bwara chel he siwi ta!

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Wiile 3:33

O sie aa lɛ kɛŋɔ ó kpɔ wenaale kɛɛ suna dii ba ta nɛn nɛ.

Ɛsekeɛl 33:21

Baa lawɛ yaa laa ta kaa bojaŋ harɛfale ta bene fi dɛ anɛ, korobie fi, tɔpenue ta la, baa bɛl waa dɔ bɔr chwa le Jerusalam ba men Ɛsekeɛl be, dɛ ba ŋɔ, “Bwɛjen Jerusalam paɡrɔ!”

Habakuk 1:5

Ate, Korowii bol o nɛra be ŋɔ, “Hɛ́ɛ nyiŋi harɛre nɛra baa bar heya cheme dɛ́ɛ pese ba. Hɛ́ɛ na waane ba binii a ɛ heyaa nyokpoa kohona. N dɛ ba waane ɛɛ he saŋ nɔ ta, háa wola lii kɛŋɔ aa bao. Dɛ ba bol he be ka kwaraa naa, haa yarada.

Josua 10:10

Ate, Korowii den ɡel Amɔre tena la wili Israel laa tena la sie, asɛ ba pɔ ba nɛɛ kohona dɛ kpoo ba Gebeɔn. Israel tena ti ba kaa bwɛɛ Bɛt Hɔrɔn ŋwɛnɛ ta, dɛ teŋɛ kpoo ba kaa bwɛɛre Aseka ne Makeda.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Josua 10:12

Awola tɔpere Korowii aa kpɔ Amɔre tena do Israel tena nɔn ta la, Josua soŋe Korowii kohona Israel tena la bwa siwi ta ŋɔ, “N Naa Korowii, ɡel wee che bobeŋkpoŋ Gebeɔn harɛ ta, ɡel korobie ɡe che bobeŋkpoŋ Aejalɔn fɛlembɔjen ta kiŋkiŋ ken!”