Aesaya 28:2 - mzwDBL

² Hé na, Korowii dɔ nomɛl waa dɔ jirima o bwara ɡe do kpeɡri. O bala bini do kɛŋɔ dombwea aa dɛ lee la, kɛɛ dompeu chɔɡe waa taa dɛɛ chɔɡ kwaa la. Wɛɛ taɡɛ bwɛɛ laanee ɡo harɛ, kɛŋɔ bwaala yon nɛ kohona, dɛ́ chɔɡ kwaa dɛ́ pala kaa la.

Aesaya 28:2 ပူးပေါင်းရင်းမြစ်များ

Job Tɔn 22:16

Ba serewɔ mɔɔ ba saŋ tel, kɛŋɔ nee yon su ba bɔle deene ta la.

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 30:28

O hweera do kɛŋɔ nee waa dɛ palɛ dɛ su tel baŋa ta la. O dɛ ɡboo harɛre nɛra kɛŋɔ baa dɛ ɡboo kwaa la ken, dɛ́ chɔɡ ba. Gɛ baa kpɔ kabaɡrare do jaaɡɔ nyoa dɛɛ beɡro la, ɡɛɛ wɛɛ ba harɛre nɛra beɡra le waa baa maɡla bil la ta.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 32:19

Hale dombwea lee kɔr la ta, bwɛjen la chɔɡ kwaraa naa,

Aesaya 40:10

Nemenɛ Korowii dɛ ba kpeɡri ne, dɛ́ ba di kora. Hé na, o dɛ ba o kembɔr ne dɛ́ ba tɛ nɛra.

Aesaya 8:6

“Jerusalam tena aa vɛh nyiŋa maa dɛ nyiŋi ba nɛɛ bɔeeh kɛŋɔ Siloa nenabɔɔ aa dɛ palɛ bɔeeh, dɛ dɔ silɛɛ Kooro Resin ne Kooro Pɛka nɛɛ kɛŋɔ bá ba cha ba nomanta,

Ɛsekeɛl 13:11

Ŋɔ keamechɔɡa la be ŋɔ, ba danjwɛɛ la dɛ ba chola. Mɛɛ ɡeloo bwaala nɛ kohona, dombwea lee o ta, ásɛ peukpeɡ ta kohona lɔɔ.

Ɛsekeɛl 38:9

O ne o laa tena ne harɛre ta nɛra baa ja o nɛɛ la ɛɛ warɔɔ, dɛ́ ba harɛ la ta kɛ peukpeɡ, dɛ́ ba tɔ harɛ la ta bobɛlbwa kɛŋɔ bam ken.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.