Aesaya 28:16 - mzwDBL

¹⁶ Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Aesaya 28:16 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Yela 87:1

Korowii ma o bwɛjen Jerusalam o do bwejen waa do ɡoroŋ doa.

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Daneɛl 2:45

Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Sekaria 10:4

Juda dea tena binii nɛn waa do kɛ bwe baa kpɔ pa dea mun ɛɛ ba lee, o bee daa baa kpɔ baŋre tɛnte ɛɛ ba lee, to baa kpɔ yo laa le o be, ásɛ koranar ne nomonome bwa ɡe le o be.

Sekaria 3:9

Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.

Matiu 21:42

Yeesu pɛɛ ba ŋɔ, “Hé ta waa nɔ Korowii Tɔn la bini nae kaa? Ba chwerɔ ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la. Korowiirii ɡela a ɛ ɡɛ, asɛ a ɛ yaa nyokpowa.’

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Tɔn Pɔɔl Aa Chwerɛ Rom Tena 10:11

Korowii Tɔn baɡlɔ ŋɔ, “Nomɛlbwa waa yaradao la, sihiih aa o kpoe ba.”

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

1 Kɔrent 3:11

Yeesu Kristo ɡboo Korowii den kpɔ cheɡ kɛ dea mumpar. Dɛ Yeesu laa aa, nomɛlbwa toole yá che o nɛɛ ó lɛ yaa.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”