Aesaya 28:1 - mzwDBL

¹ Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Aesaya 28:1 ပူးပေါင်းရင်းမြစ်များ

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

2 Webena 28:6

Tɔpebeŋkpoŋ ɡbo ta, Remalia bibaa Kooro Pɛka ne o laa tena iro ka kpoo Juda laa tena kaɡboŋa lafa fifraanɛ, dɛkalkɛ ba vɛh Korowii ba naawa aa tomɔ la.

Sɛɡla 23:29

Umee dɛɛ na waa kɛɛ dɛɛ wi suna ɔ? Umee lɔ wobobala ne naɡra ta nɔ? Umee ba do bol pɛɛpɛɛ ɔ? Ume sibie swɛɛra ɔ?

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Aesaya 5:11

Hé bwɛɛlɛ, he banɔ la haa ira chɔmbibi dɛɛ ti sen, he banɔ la haa dɛ were sen mun ka tel kɛŋɔ haa dɛɛra.

Aesaya 5:22

Hé bwɛɛlɛ, he banɔ la haa dɛ yerɛ he te baala sen nyɔe ta, he baah su haa wola sen baa kpɔa koo dɔŋa nyɔe ɔmɛ la.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Aesaya 9:11

Korowii ɛɛ ɡeloo Israel tena dɔma baah di bá ba yoo ba.

Aesaya 9:8

Korowii bol waane Jekɔb naanar baa ɛ Israel tena be, aa ba ba pui,

Aesaya 9:9

ásɛ nɛra la bwa jemɛ a wa. Israel ne Samaria tena la dɛ ɡɔɔ ba te dɛɛ maŋkura ba te dɛ ŋɔ,

Hosia 4:11

Sembena ne anfala nyɔe chɔɡ n nɛra liire baa waa mun no.

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Hosia 5:9

Israel harɛ ɛɛ chɔ pɛɛ, awola maa ba tɛr o nɛra deŋne la. Israel deene bwa bee mɛɛ bol waa aa ɛ kasinteŋ aa dɛ ba bala.

Hosia 6:10

N na wedoŋa ane Israel tena bini, ba dɛ tomɛ voɡa, ba kah doŋa.

Hosia 7:5

Kooro tɔpejen bɛl dii ta la, nomonome la nyɔ sen dɛɛ, asɛ kooro ne sennyɔɔra la dɛɛ, dɛɛ ɛ ɡɛnewa.

Lewi Dea Tena 26:19

Mɛɛ chɔɡ he deŋnekpeɡ mbarafo we-ɛɛla bwaa, maa ɡel bwaala nɛ, ásɛ harɛ bwa hol dɛ́ do kpeɡri kɛŋɔ buni ken.

Emɔs 2:12

Kɛ he ɡelɔ Nasiri tena nyɔ sen, dɛ do n keamere ŋɔ ba bɛ n waa aa dɛ ba bala la ka bol.

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

Emɔs 6:6

He dɛ nyɔ numojena ne sen, dɛ kpɔ konsɔɔhsoma aa wera dɛɛ ɛ he te, kɛ haa chɔɡa Israel aa dɛ ba chɔɡa te waa wi.

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”