Aesaya 27:6 - mzwDBL

⁶ Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.

Aesaya 27:6 ပူးပေါင်းရင်းမြစ်များ

Job Tɔn 37:12

Bela waa dɛ nyinii o ɡel baama baa kaa harɛ nɔ ta bwa, dɛɛ ɛ ɡɛ bwa waa dɛ nyin.

Aesaya 35:1

Silɛɛ ɛɛ ba pua hɛŋle ɡbo harɛ taa, hɛɡra ba harɛ komɛlbwa aa wola o ta ɛ ta, ásɛ kwaa le o ta dɛ́ fe.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 37:31

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Aesaya 60:22

Banɔ la baa wola kanɛ la, baa warɔ dɛ do kpeɡri kɛŋɔ harɛjen nɛra. Mɛɛ ɛa waranee saŋ waa wera ta. Menee Korowii.”

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Ɛsekeɛl 36:10

Mɛɛ ɡeloo he Israel tena ya. Nɛra ɛɛ berɔ ba so bwɛjena aa paɡra la ta, dɛ́ kwaa vɔrɔwa.

Ɛsekeɛl 36:8

Kɛ daa aa lɔ Israel bwejena dor ɛɛ berɔ moɡɛ, dɛ́ nɔnɛ kohona á ɛ kondikwaa tɛ n nɛra Israel tena, dɛkalkɛ aa biɡri n berɛ ba ba ne dem.

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”