Aesaya 27:4 - mzwDBL

⁴ N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Aesaya 27:4 ပူးပေါင်းရင်းမြစ်များ

2 Samoɛl 23:6

Kɛ nɛra baa wola Korowii tomɛ do kɛ sɔɔhne baa paa ta, nomɛlbwa aa won kpɔ nɔn lawa.

2 Samoɛl 23:7

Buni kon kɛɛ lampeaa chɛ kɛ nɛn won kpɔ lawa, ásɛ a fuh kwaraa.”

Yela 103:9

Waa teŋɛ dɛɛ pwah yaa, o baah diu waa, o dɛ sɔɔh warane.

Yela 85:3

He ta ɡelɛ he baah di ba nɛ, he laa he bandia kohona kpɔ ba nɛ.

Aesaya 10:17

Korowii waa do kɛ kandea dɛɛ chaah Israel tena, wɛɛ berɛ niinii dɛɛ chɔɡ kwa. Korowii Waa Do Goroŋ Israel tena ɛɛ tomɔ la, ɛɛ berɛ ninlawee, dɛ́ fuh komɛlbwa tɔpebeŋkpoŋ, hale sɔɔhne ne jabalnadaŋɛ bwa.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 33:12

Hɛɛ fuuh kɛŋɔ baa fuh kwaa dɛɛ ɛ tɛɡ, kɛɛ baa pa sɔɔhne do nii ta a fuh la.

Aesaya 9:18

Ba wechɔɡa do kɛŋɔ nii naa dɛ lawɛ, dɛɛ fuh jabalnadaŋɛ ne sɔɔhne ken. A dɛ lawɛ kɛŋɔ kɔr aa dɛ fuh, a chuu ɛɛ kaa nyundua la ken.

Jeremia 29:11

Dɛkalkɛ n jemɛ anɔ la maa vɔrɔwa dɛɛ cheɡ heya. Vɔrɔwa aa ɡel he wobɛlbwa do wer, haa wola chɔɡ, ásɛ he dɔ kerekere hwɛɡa.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Malakae 4:3

Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.