Aesaya 27:13 - mzwDBL

¹³ Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 27:13 ပူးပေါင်းရင်းမြစ်များ

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

1 Webena 15:24

Sebania ne Josafat ne Nɛtanɛl, ne Amasae ne Sekaria ne Bɛnaya, dɛ Eliesa baa ɛ sɔfore laanee, dɛ́ tɔ Korowii Ne Nɛwɛnyina Fɔo Daka la sie dɛɛ hoh bɛle. Ɔbɛd Edom ne Jehia ɡe ja dɛɛ daah Daka la.

Yela 47:5

Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

Yela 81:3

Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.

Yela 89:15

Nɛra baa ɡo yela dɛɛ kpɛɛre, ne banɔ la baa dɛ valɛ bɔr waa chaah he sie la, ba na som.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Aesaya 11:16

Ŋwɛnɛjen ɛɛ chɔɔ tɛ o nɛra baa kaa, dɛ́ le Asiiria harɛ la ta, ɡɛ ŋwɛnɛ fa aa chɔa tɛ Israel tena ɡɛ saŋ baa le Ijipt harɛ ta dɛɛ kaa la.

Aesaya 18:3

Nɛra haa lɔ harɛ ta bwa, hé nyiŋi kɛrɛdɛ, dɛ ba pa fraŋkaa bwe doa aa, hé nao, dɛ́ cheɡ deŋne, dɛ ba hoh bɛla aa, ásɛ he no.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 19:22

Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Aesaya 66:18

Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Jeremia 31:6

Tɔpere bɛl dɛ ba, ásɛ nɛra baa dɛ daah Efrem harɛ lɔŋɔre ɛɛ le deŋɡarere dor dɛɛ ŋɔ, ‘He ba ya kaa Saayɔn Bwejen waa lɔ Jerusalam la doa, Korowii yaa dɛ tomɔ la be.’ ”

Jeremia 43:7

Anomanta, ba kpɔ deŋnekpeɡ vɛh Korowii waa la, dɛ ka jo Ijipt harɛ, dɛ kpoŋe kaa bwɛjen Tapanes ta.

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Ɛsekeɛl 20:34

dɛ́ lawɛ heyaa le harɛre haa peɡra dɛ ka so a ta la ta, dɛ́ berɛ ba he ne.

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Daneɛl 11:45

A habɔɔ la, wɛɛ baŋre tɛnte dedɛɛɡa aa kana á ɛ o koodem, Mɛdetereenea Mpo ne bwejen bela Korowii Dea aa cheɡa la baah ta. Kɛ wɛɛ ba sewɔɔ, dɛ nomɛlbwa toole bela dɛ́ chao.”

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Lewi Dea Tena 25:9

A ɡɛ bene fifraanaarɛ dɛ anuanaarɛ la habɔɔ, korobie anuanɛ tɔpera fi ta la, hé ɡel ba hoh bɛla harɛ la ta bobɛlbwa. O ɛ Wechɔɡa Soŋa Korowii Be Ó Kpɔ Kɛ Tɔpejen, a chɛ kɛ bá hoh bɛla harɛ la ta.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Sekaria 14:16

Harɛre ta nɛra baa ba yo Jerusalam tena ásɛ ba bini bane ka la, baa di Kukure Tɔpejen la Jerusalam benanyoa bɛlbwaa, dɛɛ tomɛ Kooro waa ɛ Koranar Bwa Kooro la.

Sekaria 8:7

Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Tɔn Pɔɔl Aa Chwerɛ Rom Tena 10:18

Mɛɛ bɔɔ heyaa webeŋkpoŋii. Kpelaa kɛŋɔ ba ta noɛ yaa? Ba noɔ, dɛkalkɛŋɔ Korowii Tɔn bolɔ ŋɔ, “Ba waa baa dɛ bol la la harɛ ta bobɛlbwa nɛra aa lole, a tel harɛ jaɡa bwa.”

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Wepila 10:7

Nyundua torome nuanɛte la bɛla la hoeh saŋee Korowii wesɔɔhla waa baɡle o bonɔɔna baa ɛ o keamere la bwa ɛɛ ba ɛɛ tonɛ.”

Wepila 8:2

Asɛ n na baa kpɔ bɛle anuanɛ tɛ nyundua toroma banuanɛ ba yon dɛɛ che Korowii sie la.

Wepila 8:6

Nyundua toroma banuanɛ la baa kpoŋe bɛle anuanɛ la kpɔ ba te dɛɛ ba a hoeh.

Wepila 9:14

O ŋɔ nyundua torome waa jaa numɛl dɛ dɔ bɛla la be ŋɔ, “Pur Bɔnsam toroma banaarɛ la baa vɔɡ ba Yufretis Moo nyoa la ta.”