Aesaya 27:10 - mzwDBL

¹⁰ Bwɛjen baa ma danjwɛkpeɡ baro la paɡrɔ, Nomɛlbwa toole o ta, o chɔ pɛɛpɛɛ kɛŋɔ pua hɛŋle ɡbo harɛ, dɛ berɛ nae dibɔr. Belaa a chɔ dɛɛ onɛ, dɛ́ pɛɡre daa kpala bwa ta.

Aesaya 27:10 ပူးပေါင်းရင်းမြစ်များ

Aesaya 17:2

Bwɛjena aa lɔ Siiria harɛ dɛ́ ba dimɡbia bera dɛ chɔ. Aa berɛ peera ne nae dibɔraa, nomɛlbwa aa lee do dɛ́ doŋa.

Aesaya 17:9

Awola tɔpere la, ba bwɛjena aa do kpeɡri ɛɛ berɛ dimɡbeenii, dɛ le kpɔɡa ne daa, ɡɛ Israel tena fa aa pɔ a ɡɛ bwɛɛre la nɛɛ a nɛra chwa a berɛ dimɡbeeni dɛ che la.

Aesaya 24:10

Bwɛjen la chɔɡɔ dɛ chɔ pɛɛ, ba karɛ dem bɛlbwa doonyoa ɡbera tɔ ba ɡbaɡba nɛ.

Aesaya 25:2

He ɡelɔ bwɛjena berɛ dimɡbia, he kuuɡi danjwɛkpeɡa aa bara la. Dekpeɡa hɔɔhra aa maa la, he kuuɡa ta, baa an ma kpa.

Aesaya 32:19

Hale dombwea lee kɔr la ta, bwɛjen la chɔɡ kwaraa naa,

Aesaya 35:1

Silɛɛ ɛɛ ba pua hɛŋle ɡbo harɛ taa, hɛɡra ba harɛ komɛlbwa aa wola o ta ɛ ta, ásɛ kwaa le o ta dɛ́ fe.

Aesaya 49:21

Ásɛ he ba lii he nyu bini ŋɔ, ‘Ume tenee lolɛ ɡɛ bii nɔ tɛ mɛ nɔ? Dɛ n paŋɛ bii maa wola lii kɛ mɛɛ dɔ banee kpa. Ba doŋ mɛ n kaa harɛfale ta, aah umee dɛɛ bechale nɔɔ? Dɛ n ɡboo kaa, leperaa ba le ba te nɔ?’ ”

Aesaya 64:10

He bwɛjena la berɛ pua hɛŋle ɡbo harɛ, Jerusalam berɛ dimɡbia.

Aesaya 7:21

A ɡɛ saŋ la baa tel dɛ nɛn dɔ nalor ne boohna anɛ kwaraa naa,

Aesaya 7:25

Deŋɡarere ba fa aa dɛ para la, jabalnadaŋɛre ne sɔɔhnee dɛɛ ba a ta lee, nomɛlbwa aa wola won jo bela. Nae ne peeraa dɛɛ ba bela kpɔe dɛ́ berɛ dibɔr.”

Jeremia 25:37

Haa deŋnesɔɔhnaa dɔ harɛ la ta, Korowii bandia kohona la wa.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 52:27

Ribla waa lɔ Hamat harɛ taa Babelɔn koojen ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Wiile 1:4

Ŋwɛnɛre nɛra aa kpɔ a ta kaa tomɛ Korowii Dea ɛo surumm kɛŋɔ nɛra aa dɛ wi ba nɛn bɛl waa sewa ken, dɛkalkɛ nomɛlbwa aa a ta kpɔ dɛ́ ba di tɔpejena baa lea cheɡ la kpa. Bitoli baa dɛ ɡo yela bwara dɛ nyɛɡ bela, asɛ ba sɔfore ɡe ɛɛ wi. Bwɛjen Saayɔn doonyoo chɔ pɛɛ, wenaale kohona do o ta.

Wiile 5:18

dɛkalkɛ Saayɔn Bwejen chɔ pɛɛ, asɛ kalampoŋare do o ta dɛɛ ɡaaɡe.

Ɛsekeɛl 36:4

Anomanta, Israel bwejena ne deŋɡarere, ne nenabɔɔne ne fɛlembɔjena, ne bwɛɛre aa chɔɡa dɛ chɔ pɛɛ, dɛ bwɛjena baa pa a laala laa ta kaa, harɛre nɛra baa bar heyaa cheme la mamɛ heya.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.