Aesaya 26:19 - mzwDBL

¹⁹ Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Aesaya 26:19 ပူးပေါင်းရင်းမြစ်များ

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Matiu 27:52

lalbɔɔne pili, asɛ Korowii nɛra baa serewa kɛrɛdɛ ir seo ta.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Hosia 6:2

Tɔpera anɛ habɔɔ la wɛɛ lawɛ yaa ir, tɔpetooro wee la, wɛɛ berɔ ba ya ne ya buɡ ta, ásɛ ya do o sie.

Yela 71:20

A lole kɛŋɔ he ɡelɔ n na wahala kohona te, kɛ hɛɛ berɔ ɡel n dɔ bokpeɡa ja, hɛɛ laɡ mɛɛ le seo nyoa, dɛ́ tɛ mɛ mkpa.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Felepae 3:21

Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

1 Kɔrent 15:20

Kɛ ɡɛ laa a do. Korowiirii ir Yeesu Kristo seo ta. Onee tɔ sie ir seo ta nɛra baa serewa la nɛɛ mɔɔ ba ɡe baa ir.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Yela 22:15

N ta bokpeɡa dɔe kɛŋɔ kaŋli ken, n nyondoŋe marɛ n nyoa, hé ɡel mɛ ń sewɛ ka chɔ lalabwɛ.

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.

We-ɛɛla 24:15

N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Mmarare 33:13

O bol Josef dea tena ɡe waa ŋɔ, ‘N Naa Korowii, ɡel bwaala nɛ ba harɛ ta o do wer. Ásɛ nee bule dɛɛ le harɛ bini ó do sɔne.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

Matiu 27:58

dɛ ɡe la Paelet be dɛ ka soŋo ŋɔ ó tɛo ŋwɛnɛ ó ka kpɔ Yeesu lale la. Paelet sɛh dɛ kpɔ tɛo.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Job Tɔn 29:19

N do kɛŋɔ daa o lune aa kaa nee ta, asɛ mɛn ɛɛ ta o kpala ta jwaana.

1 Samoɛl 2:6

Hen Korowiirii dɛɛ kpo, dɛ́ berɛ tɛ mkpa, henee ɡela nɛra sewɛ baa huɡ ba, dɛ́ berɛ ir dɛ́ dɔ mkpa.

Yela 22:29

Nɛra baa dɛ ɛ mbarafo bwa ɛɛ ba tomɔɔ, nɛwɛnyina bwa ɛɛ ba ɡuŋuu.

Aesaya 18:4

Korowii ŋɔ n be ŋɔ, “Mɛɛ so nyundua dɛ́ nyiŋi jeiih ken, kɛŋɔ wee aa lea bɔr wɔrɔbe, kɛɛ mɛne aa dɛ ta wee lɔ a ta aa nyɛɡle kwaa koma saŋ la.”

Job Tɔn 14:8

Hale dɛ o lune la ɛ ambena o muŋkpul sewɛ dɛ ka harɛ bini,

Yela 88:11

Ba dɛ bol he nyina aa wola jaɡa dɔe la waa lalbɔɔ bini, kɛɛ he kasinteŋ waa la lalabwɛ aa?