Aesaya 26:18 - mzwDBL

¹⁸ Weweele yaa nao la ta wobɛlbwa ne balɛ, ya ta wone pɔ harɛ nɔ ta nɛra nɛ, ya ta wone yo lɛ harɛ la.

Aesaya 26:18 ပူးပေါင်းရင်းမြစ်များ

2 Koranar 19:3

Waa waa kpɔa tɛ ŋɔ bá ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Aesaya 33:11

Hé kpoŋe n nɛra tea, kɛ aa ɛ pɛɛpɛɛ, he ɡbaɡba hweera ɛɛ berɛ niinii dɛ́ kpoo heya.

Aesaya 37:3

Waa waa kpɔa tɛ ŋɔ ba ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

1 Samoɛl 11:13

Anee Sɔɔl ŋɔ, “Baa nomɛlbwa kpoe ba fini, fini tɔperee Korowii lɛ o nɛra Israel tena.”

1 Samoɛl 14:45

Kɛ nɛra la ŋɔ o be ŋɔ, “Jonatan aa cheɡɛ o nɛɛ Israel tena bwa dɔ lɛɛ nɔ chɛ kɛŋɔ ó sewaa? Akai, ya ŋwɛɛ Korowii waa lole saŋ bɛlbwa kɛŋɔ, nomɛlbwa aa won ɛo wobɛlbwa, dɛkalkɛ Korowiirii chao o won ɛ waa waa ɛa fini nɔ.” Gɛɛ a do nɛra la lɛ Jonatan ba ta on kpoe.