Aesaya 26:14 - mzwDBL

¹⁴ Taraken, ɡɛ nɛra la serewɔ, ba toole kpa, ba lala aa ir kpa. He tɛr ba deŋne dɛ chɔɡ ba, nomɛlbwa aa ba waa lii kpa bwa.

Aesaya 26:14 ပူးပေါင်းရင်းမြစ်များ

Job Tɔn 18:17

Nomɛlbwa aa ba waa lii harɛ nɔ ta ba sɔna he kwaraa.

Job Tɔn 24:20

Ba nyare baa lol ba ɡba soh ba wa, dudule di ba ola. Ba dɛ soh nyubinikpeɡ tena la waa kwaraa, ba dɛ do kɛŋɔ daa waa kuuɡa ken.

Job Tɔn 7:9

Gɛ bam aa wola le do saŋ bɛlbwa la, ɡɛɛ nɛn sewaa waa wola ba kpa.

Yela 106:28

Baa tel Peɔ la, ba kpɔ ba te ka do voɡ Baal lɔɡa dɛɛ tomɔ, dɛɛ di saraha kwaa baa ɛa tɛ voɡa aa wola mkpa dɔe.

Yela 109:13

Gel o naanar bwa serewe, dɛ́ ɡel o sɔn nyoɡre naanar baa ka ba bwa bini.

Yela 135:17

A dɔ deŋna, aa waa no, aa won hwee ɡe.

Yela 36:12

Na ɡɛ wechɔɡ-ɛɛra aa chola, ba taɡ ba ta, baa wola won ir kpa.

Yela 59:5

Korowii waa ɛ Koronar Bwa Kooro, Israel tena aa dɛ tomɛ, ir nyu ne, dɛ́ ba tɛr nɛra baa wola hen tomɛ la deŋne, bɛ dɔma baa ɛ nyubinikpeɡ tena la nɛɛ sune.

Yela 9:6

Ya dɔma heo, yaa ba waa lii kpa. He chɔɡ ba bwɛjena, ya soh ba waa kwaraa.

Kaala 14:30

Kenii Korowii lɛ Israel tena le Ijipt tena nɔn ta awola tɔpere, asɛ Israel tena na ba kɛ baa serewa dɛ chɔ Mpo la nyoa.

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Wejereme 9:5

Weera jemɔ kɛ baa sewɔɔ, kɛ nɛra baa serewa aa wobɛlbwa jemɛ, ba ta kembɔr bɛlbwa dɔe, nɛra aa ba waa kwaraa lii kpa.

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Aesaya 8:19

Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?

Matiu 2:20

Nyundua torome la ŋɔ o be ŋɔ, “Ir, dɛ́ kpɔ bie la ne o nya hé kaa Israel harɛ ta ja, dɛkalkɛ naate waa dɛ nyin bie la dɛ́ kpo la sewɔ.”

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

Wepila 20:5

Lala seo ta ira loɡlee ɡɛ. Banɔ la baa kaa baa wola ire la te, nemenɛ bene kaɡboŋ la tel mɔɔ bá ir.