Aesaya 25:8 - mzwDBL

⁸ Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 25:8 ပူးပေါင်းရင်းမြစ်များ

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”

1 Kɔrent 15:54

Dɛ onɔ la waa wola sewɛ, waa wola pɔh la baa chiɡ onɔ la waa dɛ sewɛ, dɛɛ pɔh la naa ta naa, belaa waa baa chwera do Korowii Tɔn bini la ɛɛ ba kpela ɛɛ. Ba chwerɔ ŋɔ, “O kpɔ kpeɡri pɔ seo nɛ.”

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

1 Kɔrent 15:26

Dɛ o baa pɔ ba bwa nɛɛ tonaa, o dɔm muŋkaa waa pɔ o nɛɛ laanee seo.

Wepila 20:14

Belaa ba kpɔ seo ne Lalabwɛɛ bwa ta nidamanta aa yɛɛra chɔ kɛŋɔ moo la ta. Gɛ nii nɔɔ seo nɛɛte la.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

2 Timoti 1:10

Kɛ tarakenii ya ta che ya Lɛɛ Yeesu Kristo bala waa ba harɛ bonɔ la ta, dɛ jemɛ ɡɛ waa nɔ. O ɡelɔ seo ta kpeɡri dɔe kpa, dɛ berɛ che Amanesoma la ta baɡle yaa ɡɛ yaa dɛ ba o mkpa aa wola jaɡa dɔe bwa dɔe.

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Yela 69:9

He Dea la waa swɛɛ n siwi taeh, chɛɡa baa dɛ chɛɡre bwa ɡe dawɛ n nɛ.

Aesaya 65:19

N ɡbabir sie ɛɛ lɛ Jerusalam ne o nɛra nɛɛ kohona. Wii ne lɔŋɔre aa o taa do kpa.

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 37:3

Waa waa kpɔa tɛ ŋɔ ba ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Amanesoma Luk Aa Chwera Tɔn 1:25

Ɛlesabɛt cheɡɛ a ɡɛ waa nɔ ta, dɛ ŋɔ, “Name te N Naa Korowii laa sihiih kpɔ n sie ta, ásɛ n won jo nɛra bini.”

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Yela 116:8

N Naa Korowii, he lee mɛ seo nyoa, dɛ fee n siniire, he ta ɡelɛ n lɔ na,