Aesaya 25:1 - mzwDBL

¹ N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 25:1 ပူးပေါင်းရင်းမြစ်များ

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Yela 118:28

Henee Korowii maa dɛ tomɛ, n kpɔ jam dɛɛ tɛɛ, mɛɛ bol he kan haa doa waa.

Yela 145:1

N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.

Yela 146:2

Mɛɛ kpɛɛro n soɡa bini bwaa, dɛ́ ɡo yela ɡe kpɛɛ Korowii maa dɛ tomɔ saŋ bɛlbwa.

Yela 31:15

Saŋ bɛlbwa, n lɔ he nɔn ta, lɛɛ mɛ le n dɔma, ne nɛra baa dɛ nyin bá chɔɡ mɛ nɔn ta.

Yela 40:5

N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.

Yela 40:6

Konaatena ne koŋkwaa baa kpɔa ɛ sarahare dɛɛ tɛɛ la, he sie aa a ta lɛ, he tɛ mɛ deŋne ŋɔ, n kpɔ no he wa. He siwi aa konaatena baa dɛ fuah ambire dɛɛ tɛɛ, ne sarahare baa ɛa, dɛ kpɔ dɛɛ soŋe nɛra wechɔɡa la su.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Yela 75:2

Korowii ŋɔ, “N le saŋ bɛl cheɡ dɛ́ bol nɛra wa, dɛ́ pa bole aŋwɛnɛ ta.

Yela 78:4

Yaa kpɔ sɔh ya bii, yaa boloo baɡle ya naanar baa ka ba, dɛ́ kpɛɛ Korowii kpeɡri ne o wejena, dɛ o nyokpo we-ɛɛla waa ɛa.

Yela 89:1

N Naa Korowii, mɛɛ ɡo he nyina aa wola jaɡa dɔe bwa la yelee dɛɛ bol he waa aa dɔ kasinteŋ la saŋ bɛlbwa.

Yela 98:1

Hé ɡo yelfale tɛ Korowii, dɛkalkɛ o ɛ waa aa dɛ kpo nyoa! O cheɡɛ kpeɡri ne ɡoroŋ waa doa ta, dɛ pɔ o dɔma nɛ.

Yela 99:5

Hé kpɛɛ Korowii yaa dɛ tomɔ la, hé ɡuŋi o kookara sie dɛ́ tomɔ, onee do ɡoroŋ kohona!

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Aesaya 11:5

Waa aa toɡra ne kasinteŋii wɛɛ ba kpɔe ɛ kiriso, dɛ́ kpɔ vɔwɛ o chara.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Aesaya 40:27

Israel tena, bɔkwa waa hɛɛ naɡre waa saŋ bɛlbwa ŋɔ, Korowii aa he wehiah jemɛ, dɛ ŋɔ, o laa sie kpɔ he wahala ta nɔɔ?

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Aesaya 46:11

Mɛɛ yerɛ nomɛlee le bojaŋ harɛ wee leebɔr, ásɛ o ba tawɛ harɛ nɔ ta nɛra baah ta kɛŋɔ kela ken, dɛ́ ba tonɛ anɔ la maa maɡla bil bwa. Waa maa bola la, anee dɛɛ ba ɛɛ.

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Aesaya 49:5

Korowii lee mɛ dɛ ɛɛ mɛ o bonɔɔ mɔɔ ba lol mɛ, dɛ ŋɔ ń berɛ ba o nɛra Israel tena baa peɡra dɛ do bobɛlbwa la ne o be. Korowii ɡelɔ n dɔ duure, o bee n kpeɡri do.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Joel 2:26

Hɛɛ dɔ kondikwa kohonaa di dɛ́ vaɡre, ásɛ dɛ kpɛɛ Korowii haa dɛ tomɔ la, o ɛ nyokpowaa tɛ heya, sihiih aa n nɛraa kpo kpa.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Wepila 7:12

dɛɛ ŋɔ, “Aamen! Korowii chɛ kpɛɛra ne jirima ne jam ne duure. Onee dɔ wejema ne kpeɡri, ne bokpeɡa saŋ bɛlbwa. Aamen!”