Aesaya 24:5 - mzwDBL

⁵ Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Aesaya 24:5 ပူးပေါင်းရင်းမြစ်များ

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

2 Koranar 21:12

Anomanta, men Korowii Israel tena aa dɛ tom mɛ la ɛɛ kpɔ sibeɡraa ba ta Jerusalam ne Juda tena nɛ, ásɛ nomɛlbwa no dɛɛ ɔmɛ.

2 Koranar 21:15

Dɛkalkɛ, ba ɛ wechɔɡa dɛ jo n nɛ, dɛ ir n bandia le awola ba naawa aa le Ijipt harɛ ta ba le fini.”

2 Webena 33:9

Kooro Manasɛ ɡelɔ Juda harɛ ta nɛra nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

Yela 105:10

Korowii ne Jekɔb fɔwɛ fɔo, o do le saŋ bɛlbwa dɛɛ la.

Yela 55:5

Ɔmee ne bochela chole n nɛ, asɛ n bambile teŋe kohona.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 33:8

Ba ŋwɛnɛjena bwa chɔ pɛɛ, nɛra aa a ta kpɔ kpa. Ba chɔɡ fɔo la, dɛ to ntama. Nomɛlbwa toole baa duuru.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Ɛsekeɛl 16:59

Nemenɛ Korowii berɔ ŋɔ, “Gɛ bwa aa chɛ kɛ n kpɔ ɛɛ laanee mɛɛ ba kpɔe ɛɛ, dɛkalkɛ he vɛh nyoa haa baɡ mɛ, dɛ chɔɡ n ne he fɔo la.

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 20:24

dɛkalkɛ ba vɛh n wa, ne me Mmarare maa kpɔa tɛɛ ba la ta teŋa, dɛ chɔɡ n Ona Tɔpera la, dɛ tomɛ voɡa la tenten ba naawa aa toma la.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Daneɛl 9:10

ya ta hen Korowii yaa dɛ tomɛ la waa noɛ, kɛɛ he Mmarare haa cheɡɛ he bonɔɔna baa ɛ he keamere nɛɛ dɛ kpɔ tɛ yaa la ta teŋɛ.

Daneɛl 9:5

Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Lewi Dea Tena 20:22

Korowii berɔ ŋɔ, “Hɛ́ɛ teŋɛ me Mmarare ne waa maa dɛ do heyaa bwa ta, ásɛ harɛ maa kpɔ heyaa dɛɛ ba o ta ba soŋni nɔ bɛ heyaa ba le tɛ.

Lewi Dea Tena 26:35

Nomɛlbwa aa wola toole dɛ so harɛ la ta nomanta, wɛɛ chɔ pɛɛ ásɛ dɛ ɡe di Ona Tɔpera saŋ haa soɡe o ta he ta ɡelɛ o won onɛ la.

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 9:1

Taraken, loɡle fɔo Korowii ne o nɛra fa aa fɔwa la ɡba fa dɔ mmara baa cheɡɛ o ta dɛɛ tomɛ Korowii, dɛ dɔ bela baa dɛ tomɛ Korowii harɛ nɔ ta,

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Josua 24:25

Awola tɔpere la, Josua ne Israel tena la fɔwɛ fɔo Sɛkem bela baa chema la, asɛ o berɛ kpɔ mmarare ane báa dɛɛ teŋɛ a ta tɛɛ ba.