Aesaya 24:20 - mzwDBL

²⁰ Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Aesaya 24:20 ပူးပေါင်းရင်းမြစ်များ

Mumpar 41:31

Lɔr la kpeɡri waa dɛ ba doe harɛ nɔ ta kohona nomanta, nɛn dɛ ba soeh kɛŋɔ kondikwaa fa lɔ harɛ nɔ ta taeh.

Job Tɔn 12:25

Dɛ do biro ta dɛɛ laɡre, dɛɛ yɛɛɡe kɛŋɔ sennyɔdɛɛra ken.”

Yela 107:27

Ba valɔ dɛɛ yɛɛɡe kɛŋɔ sennyɔdɛɛra ken, ba ta hwɛɡa bɛlbwa dɔe.

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 1:8

Jerusalam chɔ pɛɛ kɛŋɔ kuku waa cheɡɛ daa koo ta ken, kɛŋɔ kuku waa cheɡa pɛɛ mea koo ta ken, kɛɛ bwɛɛ baa baro cheme dɛɛ ba o yoi ken.

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Aesaya 29:9

Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 38:12

Ba lɛ me mkpa le harɛ nɔ ta, kɛŋɔ baa boŋi tɛnte dea baa baŋro. Gɛ yasɔɔh yon sɔh yal tonɛ dɛ́ laa teŋe la, ɡɛɛ n ɡe ɛɛ ba teŋa sewɛ. N liiro ŋɔ Korowii fe lɛ me mkpa tonɛ.

Aesaya 43:27

He nabaa waa tɔ sie la ɛ wechɔɡa, asɛ he nomonome bwa kpaŋe n nɛ.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Jeremia 25:27

Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.

Jeremia 4:24

N berɔ nyiŋi bwejena dɛ a dɛ jiɡri, asɛ deŋɡarere bwa ɡe ɛɛ yiiɡi.

Jeremia 51:29

Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Jeremia 8:4

Korowii ŋɔ men Jeremia bol o nɛra be ŋɔ, “Nɛn cholaa, waa berɛ dɛɛ ir kpa aa? Nɛn nyoɡre ŋwɛnɛ aa, waa habɔɔ berɛ aa?

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Daneɛl 11:19

Anɔ ɡe habɔɔ, wɛɛ berɔ kaa o ɡbaɡba harɛ dekpeɡa taa, kɛ baa pɔ o nɛɛ, o waa bwa ba a jaɡa.

Emɔs 8:14

Banɔ la baa dɛɛ ŋwɛɛ Samaria voɡa, kɛɛ dɛɛ ŋwɛɛ Dan dea voɡ, kɛɛ voɡ waa lɔ Beɛseeba bwa dɛ́ ba choɡla, baa wola won ir kpa.”

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.