Aesaya 23:9 - mzwDBL

⁹ Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 23:9 ပူးပေါင်းရင်းမြစ်များ

Job Tɔn 12:21

O ɡelɔ sihiih ɛɛ kpo nɛnjena, dɛɛ sɔɔh kpeɡnɛra nyoa.

Yela 107:40

Korowii siwi ta ba nɛra baa dɛ fiɡ ba la sui, a ɡel ba do pua hɛŋle ɡbo harɛ ta, bela ŋwɛnɛre aa wola toole dɛɛ ɡaaɡe.

Kaala 8:4

O ne o nomonome ne harɛ la ta tena bwa nɛɛ sapone la ɛɛ ba jaeh dɛɛ teeh.”

Aesaya 10:33

Hé no! Korowii, Koranar Bwa Kooro ɛɛ ba ba ne harɛɛ, kɛŋɔ baa choo daa dɛɛ ta la ken. Dajaŋa la, wɛɛ teŋaa ɡo, dajena ɡe bwa choɡli.

Aesaya 13:11

Korowii ŋɔ, “Mɛɛ ba chɔɡ harɛ nɔɔ. Mɛɛ tɛr wechɔɡ-ɛɛra deŋnee ba wedoŋa wa, dɛ́ ɡel ɡɔɔra nɛra aa dɛ ɡɔɔ ba te la teŋe. Dɛ́ ba banɔ la baa dɛ ɛ mbarafo la ɡe ne harɛ.

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Aesaya 14:26

Waa nɔɔ n vɔrɔwe bil dɛɛ ba ɛɛ harɛ ta bobɛlbwa. N ir nɔn dɛ́ tɛr harɛre nɛra deŋne.”

Aesaya 14:27

Waa Koranar Bwa Kooro aa vɔrɔwa nɔ, umee dɛ́ won bera ɔ? O ir nɔn dɛ́ tɛr nɛra deŋne, umee dɛ won ŋɔ o be ŋɔ o bɛ ɛɔ?

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Aesaya 23:10

Taases tena, he ta stiimae chuɡribɔr dɔe kpa. Anomanta, hé ka parɛ ɡɛ baa dɛ parɛ Nael Moo nyoa harɛ ta la.

Aesaya 32:13

Sɔɔhne ne jabalnadaŋɛre ɡboo n nɛra harɛre. He wi deremi silɛɛ fa aa lɔ a ta la, ne bwɛjen o fa aa soma la wa.

Aesaya 5:13

He waa mun bɛ noe nomanta, baa lawɛ heyaa kaa harɛfale bɛl taa, dɛ kaa do heya. Lɔr ɛɛ kpo he bini banɔ la baa chɔ he nyoa bá serewe, ásɛ dansaara haa ka la, nyɔɡre kpo heyaa he serewe.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Jeremia 13:9

“Gɛ kiriso la aa chɔɡa la, ɡɛ tentenee mɛɛ ba Juda ne Jerusalam tena baa dɛ ɛ mbarafo la chɔɡa.

Jeremia 51:62

Dɛ berɛ ŋɔ, ‘N Naa Korowii, he fa bolɔ ŋɔ hɛɛ chɔɡ bonɔɔ, ásɛ nɛra kɛɛ kondɛɛra aa wola won so o ta, ó berɛ dimɡbia saŋ bɛlbwa dɛɛ la.’

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Obadia 1:2

Korowii ŋɔ Edom tena be ŋɔ, “Mɛɛ ɡeloo he ɡwɛɡre harɛre nɛra bwa bini, ásɛ ba hah heya, dɛɛ nyiŋi he nyubaahna.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Ɛfesos 3:11

Gɛ waa cheɡa wubwa la, ya Dɔɔ Yeesu Kristo aa bala la, a wono ɛ ɡɛ.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”