Aesaya 23:18 - mzwDBL

¹⁸ Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Aesaya 23:18 ပူးပေါင်းရင်းမြစ်များ

Yela 45:12

Bwɛjen Taaya tena ɛɛ ba koŋkɛɛla nee ba tɛɛ, suuɡa tena ɛɛ nyin bá kpɔ ba kwaa ba di he liire.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 72:11

Koranar bwa ɛɛ ba ɡuŋuu, ásɛ harɛre nɛra bwa tomɔ.

Kaala 28:36

Kpɔ suuɡaswɛm tenten kwaa kon waa do kpɛlɛntɛŋ dɛ́ ɛ dawɛ o ta ŋɔ, kon baa lea cheg tɛ korowii o do goroŋ.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Ɛsekeɛl 26:12

Dɔma la ɛɛ pa Taaya tena kondɔɔh ne kwaa baa dɛ di a bona bwaa. Baa taɡɛ ba danjwɛɛre bwaa ta, dɛ́ kuuɡi ba dedɛɛɡa ɡe bwa, ásɛ dɛ pa a bwekuŋe ne daa, dɛ teɡuŋe bwa ka ta mpo ta.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Sekaria 14:14

Juda tena ɡe ɛɛ ka cha Jerusalam tenaa yo. Baa pa harɛre aa baro la nɛra kondɔɔh, suuɡaswɛm ne suuɡapoŋa dɛ yale kohonaa.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.

Amanesoma Mak Aa Chwera Tɔn 3:8

ne Jerusalam ne Idumia harɛ ne Jɔɔdan Moo wee leebɔr, dɛ nɛra baa le bwɛjena Taaya ne Sidon pera bwa no o wa, dɛ ba o be.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 8:3

Bɛl ɡee Joana waa ɛ Kusa waa ɛ nomoa dɛɛ nyiŋi Kooro Hɛrɔd dem la haah, ne Susaana ne ba bala bane baa wara dɛ teŋɛ Yeesu ne o habɔteŋra la nɛ, dɛ kpɔ ba ɡbaɡba suuɡa dɛ yawɛ kwaa tɛɛ ba baa di la.

We-ɛɛla 9:39

Toroma la aa laŋa la, Pita kpɔ o te dɛ puu ba kaa. Waa laŋa la, ba kpɔɔ deeh abrɔsane la. Dɛ luhaahna baa lɔ bela la bwa baa chwa baro dɛɛ wi, dɛ kpɔ batakaani ne yale Tabita aa sɔah ɡɛ saŋ waa wola sewɛ mɔɔ la dɛɛ baɡle Pita.

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.