Aesaya 23:13 - mzwDBL

¹³ Nyiŋi Babelɔn tena harɛ na, ɡɛ nɛra nɔ fa toole wobɛlbwa bini. Asiiria tena ɡelɔ o berɛ pua hɛŋle ɡbo harɛ ola sobɔr. Ba ma konjaŋa dɛ pɛl danjwɛɛre aa bar bwɛɛre la ta, dɛ che a ta jo, dɛ kuuɡi dekpeɡa bela bwa berɛ dimɡbia.

Aesaya 23:13 ပူးပေါင်းရင်းမြစ်များ

We-ɛɛla 7:4

Asɛ Abraham ir le o harɛ ta dɛ ka so Haran. O mɛɛ aa sewa habɔɔ laanee Korowii ɡel o ba so harɛ nɔ haa soɡe o ta fini nɔ ta.

Habakuk 1:6

N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Ɛsekeɛl 29:18

“Nɛwɛnyini bie, Babelɔn Kooro Nebukadnesa kpɔ o laa tena ka yo bwɛjen Taaya tena. O ɡelɔ o laa tena la che bontɔɡa ba nyuune ɡba, ba vaama swe. Kɛ kooro la ne o laa tena la bɛlbwa ta tɔnɔ bɛlbwa dɔe le a ta.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 10:7

Kɛ Asiiria koojen te fe aa an ɡɛ nyin, dɛ o liire laa. O waa bwaa kɛŋɔ o fee den chɔɡ harɛre ɡalɡa bwa kwara.

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Yela 72:9

Nɛra baa lɔ pua hɛŋle ɡbo harɛ ta ɛɛ ba ɡuŋi o siee, ásɛ o dɔma chole chɔ bomboɡ ta.

Job Tɔn 1:17

O ɡe nyoa ta chiɡe, dɛ torome bɛl ɡe balɔ dɛ ba ŋɔ, “Kaldea tena baa kpoŋe dɔmkwaa dɛɛ ŋwɛ bɔne ba bini nɛmbele batoro, dɛ ba lɔ jo ya bini, dɛ lawɛ he nyoɡmare la bwa kaa. Ba kpoo n bala la bwa. N ɡboo wona dɔ bɔr chwa, dɛ baa bol he be la!”

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Koranar 20:12

A ɡɛ saŋ dɛ Babelɔn harɛ ta kooro bɛl sɔne Mɛrɔdak Baladan, o mɛɛ sɔne Kooro Baladan. Kooro Mɛrɔdak Baladan aa no Kooro Hɛsɛkea weela waa la, o chwerɛ tɔne dɛ kpɔ koŋkɛɛla ja tomɛ ŋɔ, bá kpɔ ka tɛo.

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 11:28

Haaran mɛɛ ta soɡe le, asɛ o sewɛ bwɛɛ baa lolɔ o ta baa yerɔ Ur, o do Kaldea harɛ ta.

Mumpar 11:9

Gɛɛ a ɛ baa yerɛ bwɛjen la Babelɔn, o munii kɛŋɔ kooraŋkoora, dɛkalkɛŋɔ belaa Korowii ka koɡre nɛra wobol asɛ bɛlbwa dɔ o wobol korɛ, asɛ dɛ lɔ ba peɡre harɛ nɔ ta bobɛlbwa.

Mumpar 2:14

O kpal toorote la sɔne Tiɡris Moo. O palɔ dɛɛ kaa Asiiria harɛ wee leebɔr pera. Asɛ naarɛte la sɔne Yufretis Moo.

Aesaya 13:21

Pua hɛŋle ɡbo harɛ ta ola dɛ ba bela doe dɛɛ si deremi la bini, kwiure sɔh a kɔne bela, ásɛ kpɔɡ bini ola aa do kɛŋɔ boohna do bela dɛɛ jah.

Aesaya 18:6

Gɛ kpala la aa chɔa la, ɡɛɛ Itiopia lala ɛɛ ba chɔe, ásɛ jumbii aa dɛ di ola dia bɔwɔb saŋ, ásɛ kpɔɡ bini olchɔɡa ɡe ba dia waa saŋ.

Aesaya 43:14

Korowii, Israel Nɛŋɡoroŋ waa ɛ he Lɛɛ la ŋɔ, “He lɛɛ nomanta, mɛɛ do laa tena bá ka yo Babelɔn. Mɛɛ kuuɡi bwɛjen la doonyoonee, ásɛ o nɛra silɛɛ berɛ wii.

Ɛsekeɛl 23:23

Baala baa le Babelɔn ne Asiiria dɛ Kaldea tena baa lɔ Pɛkɔd ne Soa dɛ Koa bwa ɛɛ ba he bee. Mɛɛ boa laa nomonome baa wera bonɔɔna, ne harɛ la ta nomonjena, ne laa nomonome baa soɡe jaɡre ta dɛɛ yo la bwa nyoaa, ba ba he be.