Aesaya 23:12 - mzwDBL

¹² Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”

Aesaya 23:12 ပူးပေါင်းရင်းမြစ်များ

Mumpar 10:4

Javan naanaree, Elaisa ne Speen ne Saepros dɛ Roods tena.

Mumpar 49:13

Sebulon sobɔree mpo nyoa, o jwɛh ka tel Sidon, ásɛ stiimaere che bela wobɛlbwa aa wola an ɛ.

Aesaya 23:7

He bwɛsom Taaya laanee nɔ naa? Bwɛbenebene o nɛra aa joa ka so bojaŋ harɛre ta laanee nɔ naa?

Aesaya 37:22

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Aesaya 47:1

Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Aesaya 47:5

Korowii ŋɔ, “Babelɔn haa do kɛŋɔ bitolo, so harɛ biro ta jeiih ken. Baa hen harɛ nɔ ta bwa bwɛɛre haŋkooroo yerɛ kpa!

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 2:10

Hé ɡale kaa wee cholibɔr Saepros mpo nyoa harɛ ta ka na. Hé tomɛ nomɛl ó la Keda harɛ wee leebɔr ɡe ka nyiŋi. Hɛɛ nao kɛŋɔ waa aa do ken nɔ dɔŋa ta chiɡe ka.

Jeremia 46:11

Ijipt haa do kɛŋɔ bitolo waa wola baa jemɛ, he nɛra iro la Gelead harɛ ka nyin tɛɛɡa kwaraa naa, aa won chaah ba. Komɛlbwa aa won ɡel bá dɔ bokpeɡa.

Wiile 1:15

Korowii vɛh n banyoola bwa, dɛ ɡel laa tena ba yo n bonɔɔna, dɛ chɔɡ ba kɛŋɔ ba yon tiɡri ɡrepo nɔna dɛɛ kpɔ a nee la ken.

Wiile 1:3

Ba fiiɡi Juda tena baa lɔ Jerusalam kohona, dɛ laɡ ba laa ta kaa bojaŋ harɛ ta. Ba lɔ harɛfala ta, ba ta bosɔɔhna bɛlbwa dɔe. Ba dɔma bar ba cheme, ba ta bɔr dɔe dɛ́ le chwa kaa.

Wiile 4:15

Asɛ nɛra la nyɛɡ ba nɛɛ ŋɔ, “Hé le ya be kaa! Hé kah doŋa! He bɛ yaa leɡe!” Gɛɛ baa ba harɛre ta doe dɛɛ ɡaaɡe, nomɛlbwa aa wola won lɛɛ ba.

Ɛsekeɛl 27:6

Dajenaa ba kpɔ le Basan harɛ ba ɛ he ŋwandaa, dɛ kpɔ dakpeɡa ane ɡe le Saepros, ne bala nyena, dɛ ba kwaa he bini, he do wer.

Daneɛl 11:30

Rom tena ɛɛ kpɔ stiimaeree le mpo nyoa wee cholibɔr harɛre taa, dɛ́ ba yoo, ásɛ o bambile chɔɡ. Wɛɛ berɔ kpɔ bandia dɛɛ nyin dɛ́ chɔɡ Korowii fɔo waa do ɡoroŋ la. Wɛɛ dɛɛ teŋɛ nɛra baa wola fɔo la ta teŋɛ la nɛɛ.

Nɛra Kura 24:24

Stiimaere ɛɛ kpɔ nɛraa le Saepros harɛ taa ba, dɛ́ ba lɔ tɔ Asiiria tena ne Iba tena nɛ. Saepros tena ɡe kwara ɛɛ heo.”

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Wepila 18:22

Baa nɛra baa dɛ lɔ janjela, ne banɔ la baa dɛ hoh kalipere ne bɛle, ne komɛlbwaa na he bini kpa. Gɛɛ baa wola nɛra baa dɛ sɛh kwa, ne nɛra baa dɛ sɔh kwa, ne banɔ la baa jemɛ toma bwa soo siwi he binii na kpa. Baa nambwe ɡe sii no bela kpa.