Aesaya 23:11 - mzwDBL

¹¹ Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 23:11 ပူးပေါင်းရင်းမြစ်များ

Mumpar 9:25

Asɛ o ŋɔ, “Bwɛɛlɛ Keenan! Hɛɛ ɛ yomii, dɛ́ do he dɔɔranar lɔɡa.”

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 71:3

He do kɛŋɔ Bwetal maa chwaa baa marɛ saŋ bɛlbwa, che he waa haa bola la ta, dɛ́ lɛɛ mɛ. Henee n Bwetal, ne n danjwɛkpeɡ.

Kaala 14:21

Mosis tɛr daŋɡbala waa lɔ o nɔn ta la pa mpo la ta, asɛ awola jwaana la bwa Korowii ɡel peujen bɛl ta le wee leebɔr, dɛ taɡɛ nee la kaa habɔɔ o berɛ harɛpɛɛ dɛ hol chɔ. Mpo la bini pero,

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 13:13

Mɛɛ ɡeloo nyundua yiiɡi, ásɛ harɛ jiɡri dɛ́ le o chebɔr, ɡɛ tɔpere men Koranar Bwa Kooro aa baɡle n bandia harɛ nɔ ta la.

Aesaya 14:26

Waa nɔɔ n vɔrɔwe bil dɛɛ ba ɛɛ harɛ ta bobɛlbwa. N ir nɔn dɛ́ tɛr harɛre nɛra deŋne.”

Aesaya 19:5

Nael Moo waa chɔ bela ɛɛ hweehroo, ásɛ o nenabɔɔ bini hol chɔ.

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 23:10

Taases tena, he ta stiimae chuɡribɔr dɔe kpa. Anomanta, hé ka parɛ ɡɛ baa dɛ parɛ Nael Moo nyoa harɛ ta la.

Aesaya 23:3

He tomɛ baala ba la mpo baŋ, dɛ ka yawɛ mea le Ijipt harɛ, dɛ ba yoɡ dɛɛ tɛ harɛre nɛra. Bela baa ɛ bona dibɔr harɛre ɡalɡa ta.

Aesaya 25:2

He ɡelɔ bwɛjena berɛ dimɡbia, he kuuɡi danjwɛkpeɡa aa bara la. Dekpeɡa hɔɔhra aa maa la, he kuuɡa ta, baa an ma kpa.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Jeremia 47:7

Korowii aa ŋɔa kere la ka yo Askɛlɔn ne mpo nyoa tena bwa nɔ. Ɛrɛɛ wɛɛ ba wona chɔɔ?”

Ɛsekeɛl 26:10

Ba dɔma Babelɔn tena la jaɡre ɛɛ warɔɔ, a ɡel tutuɡ bɔle ba nɛ. Kwaa aa dɔ tɔre baa taɡa kɛ torɔɡo, ne anɔ la baa vɔwa pɛl jaɡre kpɔ bwɛjen la doonyoa la ta jo he be naa, a ɡbɔɡa ɛɛ yiiɡi danjwɛɛ laanee.

Ɛsekeɛl 26:4

Baa chɔɡ danjwɛɛ waa bar bwɛjen Taaya la bwaa, dɛ́ kuuɡi dejaŋa ɡe bwa. Mɛɛ ɡbaa teɡaŋa ne bwekuŋe bwaa le harɛ la ta, á ka bwetal ɡbo.

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Sekaria 14:21

Vii bɛlbwa waa lɔ Jerusalam ne Juda ɛɛ do ɡoroŋee tɛ Koranar Bwa Kooro, ásɛ nɛra baa ba ɛ saraha la kpɔ viine la daa ba saraha kwa. Keenan tena bonadiire bɛlbwa aa Koranar Bwa Kooro Dea belaa do awola tɔpere.

Amanesoma Mak Aa Chwera Tɔn 11:17

Asɛ o bol waa dɛɛ baɡ ba ŋɔ, “Ba ta chwerɛ ŋɔ, ‘Baa yerɛ n Dea harɛre nɛra bwa Korowii soŋebɔr’ yaa? Gɛɛ he te berɛ kpɔɔ berɛ ŋwɛɛra sɔɔhbɔr aa?”

Amanesoma Jɔn Aa Chwera Tɔn 2:16

dɛ kɔr banɔ la baa dɛ yoɡ borɔnomare la ŋɔ bá le a ne bela, dɛ ŋɔ ba bɛ o Mɛɛ dem kpɔ berɛ bonadibɔr.