Aesaya 23:10 - mzwDBL

¹⁰ Taases tena, he ta stiimae chuɡribɔr dɔe kpa. Anomanta, hé ka parɛ ɡɛ baa dɛ parɛ Nael Moo nyoa harɛ ta la.

Aesaya 23:10 ပူးပေါင်းရင်းမြစ်များ

Job Tɔn 12:21

O ɡelɔ sihiih ɛɛ kpo nɛnjena, dɛɛ sɔɔh kpeɡnɛra nyoa.

Yela 18:32

Korowii tɛ mɛ bokpeɡa, dɛ ɡel n ŋwɛnɛ do wer mɛɛ kpɔ o ta.

Aesaya 19:7

Kwaa aa lɔ Nael Moo nyoa, ne kwaa baa dua o nyoa la bwa ɛɛ holoo, peu kpɔa kaa kwara.

Aesaya 23:11

Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 23:14

Nɛra haa dɛ ɛ toma Taases stiimaere bini la, hé wi! Bwɛjen haa kpɔ sie dawɛ o ta la paɡrɔ!

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Wiile 1:6

Jerusalam nyanyini bwa tonɔ. O koranar ɡwɛɡrɔ kɛŋɔ lɔr aa kpo ola a ɡaaɡe nyin kondikwaa dɛ́ di kahonɛ la ken, a chwao le nɛra baa dɛ kpaahna dɛɛ nyina dɛ́ kpo la sie.

Ɛsekeɛl 26:18

Awola bwɛɛ la aa paɡra la, nɛra baa soɡe mpo nyoa ne ekwie ta la ɔmɔ, ba bwara yɔr a wa.’ ”

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Tɔn Pɔɔl Aa Chwerɛ Rom Tena 5:6

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

1 Samoɛl 28:20

Buɡ la ta, Kooro Sɔɔl den chole dɛ toɡre chɔ, ɔmee lawɔ kohona waa Samoɛl aa bola la wa. Dɛ o ɡwɛɡrɔ dɛkalkɛŋɔ o ta kondikwaa dii chɔɔ ne awola jwaana la bwa.