Aesaya 22:5 - mzwDBL

⁵ Awola tɔpere la, Korowii, Koranar Bwa Kooro ɛɛ ɡeloo o ɛ ɡbɔɡa ne ɡaeh ne ɔmee tɔpere Chaahna Fɛlembɔjen la ta. Ba kuuɡi danjwɛɛ waa bar bwɛjen la ta awola, ba wii kaa le bwejena dor.

Aesaya 22:5 ပူးပေါင်းရင်းမြစ်များ

2 Koranar 19:3

Waa waa kpɔa tɛ ŋɔ bá ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

2 Koranar 25:10

asɛ Babelɔn laa tena Nebusaradan aa chɔ ba nyoa la kuuɡi danjwɛɛ waa bar Jerusalam la.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 22:1

Waa aa chiɡ Chaahna Fɛlembɔjen ta, Korowii bol baɡle Aesaya chaahna ta laanee nɔ. Bɔkwaa waa bala ɔ? Ɛrɛɛ bwɛjen nɔ nɛra bwa ɛɛ lɛ ba sie saldor nɔɔ?

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 37:3

Waa waa kpɔa tɛ ŋɔ ba ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Aesaya 63:3

Korowii ŋɔ, “N tiɡri harɛre nɛra nɛɛ kɛŋɔ, baa tiɡri ɡrepo nɔna ta ken, nomɛlbwa ta men ba chae. Bandia nee n tiɡri ba nɛ, asɛ ba chal ɛ n yal bwa la.

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Wiile 1:5

O dɔma pɔ o nɛ, dɛɛ di kpeɡri. Korowiirii ŋɔa o bwara nyɛɡ o wechɔɡa aa kana kohona la wa. Ba lawɛ o bii bwa laa ta kaa harɛfala ta o dɔma siwi ta.

Wiile 2:2

O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.

Wiile 2:8

Korowii siwi beɡrɔ kɛŋɔ Saayɔn danjwɛɛ kuuɡi. O maɡɔ cheɡ kɛŋɔ ó chɔɡo kwaraa. Danjwɛɛre la do kɛŋɔ nɛra aa dɛ wi ken, a ta bokpeɡa bɛlbwa dɔe kpa.

Ɛsekeɛl 7:7

Nɛra haa soɡe harɛ la ta, he chɔɡa telo. Saŋ la telo, tɔpere la joɔ tonɛ. Silɛɛ bɛlbwa toole voɡa aa lɔ bwea dor ta kpa, sibeɡra ɡboo.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Maeka 7:4

Ba bini nɛndɛɛɡe kwaraa do kɛŋɔ jabalnadaŋɛ. Onɔ la o wa aa toɡra ɡe do kɛŋɔ sɔɔh daa ken. Tɔpere telo kɛŋɔ Korowii tɛr ba deŋne ɡɛ waa cheɡɛ keamere baa dɛ daah ba nɛɛ kah ba la, ba wilo taraken kwara.

Sefania 1:15

A ɡɛ tɔpere la, Korowii bwaawee ɛɛ ir nɛra nɛɛ taeh, suna ne wenaale tɔperee, wahala nae ne chɔɡa ɡbosoroo, ásɛ baama tɔ, bɔr ɛ jumaa ken. Bɔr dɛ ba bira kohona a ɡɛ tɔpere,

Matiu 24:16

Gɛ saŋ la telaa, a chɛ kɛŋɔ Juda harɛ tena chwa le Juda ka sɔh bwejena la baah.

Amanesoma Luk Aa Chwera Tɔn 23:30

A ɡɛ saŋ nɛra ɛɛ ŋɔ bwejena ne deŋɡarere bee ŋɔ, ‘Hé choɡli tɔ ya nɛ.’