Aesaya 22:23 - mzwDBL

²³ Mɛɛ ɡeloo o che kiŋkiŋ, kɛŋɔ baa kpaa tɛnte baŋra daa do harɛ o che kiŋkiŋ la, ásɛ o nomonome dii dɔ jirima o dem.

Aesaya 22:23 ပူးပေါင်းရင်းမြစ်များ

Ɛsra 9:8

Kɛ taraken nɔ, n Naa Korowii yaa dɛ tomɛ, he sune ya nɛɛ tama bɛl, dɛ ɡel ya bini bane won chwa le yoma yawa ta, dɛ ba so deŋnesɔɔhna ta he Dea ta. He ɡelɔ ya dɔ ya te, dɛ tɛ yaa mkpafale.

Ɛsta 10:3

Mɔdekae ɛ nomonjen, dɛ Kooro Sɛksɛs toole naa, dɛ onee lole. O ɛ nɛnjen o dɔŋa Juu tena la bwa bini, asɛ baa tɛo jirima dɛɛ nyin o wa, dɛkalkɛŋɔ o nyin kɛrɛdɛ tɛɛ ba, dɛ nyin deŋnesɔɔhna tɛ o naanar bwa.

Ɛsta 4:14

He tɔ nyoa he ta waane bolɛ taraken nɔ naa, Juu tena ɛɛ dɔ nomɛlee ó cha ba, kɛ he te ne he mɛɛ nɛra bwa ɛɛ serewoo. Dɛ ɡɛ waa nɔ waa he ɛ kooro haah taraken nɔ naa, he jemaa?”

Job Tɔn 36:7

Waa sie laa dɛɛ kpɔ nɛra ba wa aa toɡra nɛ, o ɡelɔ baa do kɛ koranar, dɛɛ dɔ duure saŋ bɛlbwa.

Wejereme 12:11

Wejereme wobol do kɛŋɔ, daa peteɡre aa kpɔa dɛɛ teɡɛ peera ken. O wobosɛɡla ɡe do kɛŋɔ, baa lɔ dadowɛre do kon ta, a lawɔ kpoŋe. Korowiirii ɛ Peteɡre beŋkpoŋ waa lole dɛ tɛ ya bwa.

Aesaya 22:24

O dem nɛra wobɛlbwa ɛɛ dawɛ o nɛɛ, o naanar ne ba ɡe bii bwa saɡre o nɛɛ kɛŋɔ numoli ne loŋa aa saɡre daa ta la.

Aesaya 22:25

Awola tɔpere la, tɛnte baŋra daa maa kpaara do harɛ o pa kiŋkiŋ la ɛɛ pamɔɔ le dɛ́ chole, ásɛ laala aa saɡɛ o ta la bwa chɔɡ. Men Korowiirii bola.”

Sekaria 10:4

Juda dea tena binii nɛn waa do kɛ bwe baa kpɔ pa dea mun ɛɛ ba lee, o bee daa baa kpɔ baŋre tɛnte ɛɛ ba lee, to baa kpɔ yo laa le o be, ásɛ koranar ne nomonome bwa ɡe le o be.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.