Aesaya 22:15 - mzwDBL

¹⁵ Korowii, Koranar Bwa Kooro tomɛ men Aesaya ŋɔ, “La Sɛbna waa chɔ koodem bela tomare nyoa be ka ŋɔ,

Aesaya 22:15 ပူးပေါင်းရင်းမြစ်များ

1 Koranar 4:6

Ahisa ɛɛ nyiŋi koodem wobɛlbwa ta, Abda bibaa Adoniram chɔ nɛra baa kpɔ ba dɛɛ ɛ tomkpeɡa nyoa.

2 Koranar 10:5

Koodem bela nomoa, ne onɔ la waa dɛ nyiŋi bwɛjen la ta, ne nomonnyuune ne nɛra baa dɛ nyiŋi Kooro Ahab bii nɛɛ tomɔ ba ka ŋɔ Kooro Jehu be ŋɔ, “He bonɔɔnaa yan, wobɛlbwa haa bol ya be la, yaa ɛo. Yaa kooro bɛlbwa cheɡa ba, ɛ ɡɛ bwa aa maɡra tɛɛ.”

2 Koranar 18:18

Ba kaa yerɛ Kooro Hɛsɛkea, asɛ o tomɛ Hilkia bibaa Eliakim, onee dɛɛ nyiŋi koodem bela waa ta, ne Sɛbna waa ɛ koodem bela karake, dɛ Asaf bibaa Joa waa chwerɛ harɛ la waa dɛɛ do tɔne bini, asɛ ba bwa le, dɛ ka chem ba.

2 Koranar 18:26

Anee Eliakim baa dɛ yerɛ o mɛɛ Hilkia ne Sɛbna, dɛ Joa ŋɔ Asiiria koojen laa sitɔɔ la be ŋɔ, “Nomoa, ya dɛ soŋe, bol Aram tena wobol baɡle he bonɔɔna. He bolaa, ya dɛ no. Bɛ Hibru tena wobol kpɔ bol ya be. Nɛra baa cheɡɛ bwɛjen nɔ danjwɛɛ nɔ ta dɛ no he be.”

2 Koranar 18:37

Ate, Eliakim ne Sɛbna, dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

2 Koranar 19:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

1 Webena 27:25

Adeɛl bibaa Asmavɛt, dɛ onee dɛɛ nyiŋi koodem deene baa dɛ cheɡ laala a yoɡ aa kpeɡa a bini bwa ta. Ussia bibaa Jonatan ɡe ɛɛ nyiŋi deene baa dɛ cheɡ laala a bini, bwɛjeɡre ne bwɛjena dɛ jɛŋle ta.

Aesaya 36:11

Asɛ Eliakim ne Sɛbna dɛ Joa ŋɔ Asiiria koojen laa sitɔɔ la be ŋɔ, “Nomoa, ya dɛ soŋe, bol Aram tena wobol baɡle he bonɔɔna. He bolaa, ya dɛ no. Bɛ Hibru tena wobol kpɔ bol ya be. Nɛra baa cheɡɛ bwɛjen nɔ danjwɛɛ nɔ ta dɛ no he be.”

Aesaya 36:22

Ate, Eliakim ne Sɛbna dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

Aesaya 36:3

Baala batoro le Kooro Hɛsɛkea be Jerusalam, dɛ la Asiiria koojen torome la be. Banee, Hilkia bibaa Eliakim waa chɔ koodem nyoa, ne Sɛbna waa ɛ kooro karake, dɛ Asaf bibaa Joa waa dɛ nyiŋi kooro tɔne ta.

Aesaya 37:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

We-ɛɛla 8:27

Felep iro chiɡ ŋwɛnɛ ta dɛɛ kaa, dɛ ka na Itiopia harɛ haŋkooro Kandase nomoa waa dɛ cheɡ o suuɡa dɛɛ nyiŋi o kondɔɔh bwa la. Dɛ ba fɔɡɛ a ɡɛ baa nɔ lur. O la Jerusalam ka tomɛ Korowii dɛ berɛ dɛɛ kaa o bwɛ.