Aesaya 22:1 - mzwDBL

¹ Waa aa chiɡ Chaahna Fɛlembɔjen ta, Korowii bol baɡle Aesaya chaahna ta laanee nɔ. Bɔkwaa waa bala ɔ? Ɛrɛɛ bwɛjen nɔ nɛra bwa ɛɛ lɛ ba sie saldor nɔɔ?

Aesaya 22:1 ပူးပေါင်းရင်းမြစ်များ

Mumpar 21:17

Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii.

2 Samoɛl 14:5

Belaa Kooro bɔɔro ŋɔ, “Bɔkwa waa dɛɛ hae nɔ?” O chaŋe ŋɔ, “N naa, luhaahnee men, n jaa sewɔ.

2 Koranar 6:28

Kooro la berɛ bɔɔ haah la ŋɔ, “Bɔkwa waa dɛɛ hae nɔ?” Haah la ŋɔ, “Awola bɛl, n dɔŋ nɔ ŋɔ n be ŋɔ yá lawɛ n bie chwe, ásɛ tɔɔ peraa, yá lawɛ o ɡe kon.”

Yela 114:5

Bɔkwa waa bala Mposwɛm pere anɛ, asɛ Jɔɔdan Moo ɡe ɡel pala ɔ?

Yela 125:2

Gɛ bwejena aa bar Jerusalam dɛɛ tɔɔ ɡbemɡbe la, ɡɛɛ Korowii bar o nɛra cheme fini ne tɔpere bɛlbwa.

Sɛɡla 29:18

Harɛ o nɛra aa wola Korowii waa kpɔe dawɛ ba nɛɛ la, bɛlbwa dɛ ɛ ɡɛ waa dɛ nyin, kɛ nɛra baa dɛ teŋɛ o Mmara ta la, ba na som.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Aesaya 15:3

Ba tɔ lweyale fɔɡbaahna bwa, saldor ne bela baa dɛ cheme bwa, ba ne siniiree, ba wio dɛ ba tal.

Aesaya 22:5

Awola tɔpere la, Korowii, Koranar Bwa Kooro ɛɛ ɡeloo o ɛ ɡbɔɡa ne ɡaeh ne ɔmee tɔpere Chaahna Fɛlembɔjen la ta. Ba kuuɡi danjwɛɛ waa bar bwɛjen la ta awola, ba wii kaa le bwejena dor.

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Jeremia 21:13

N ne Jerusalam tena dɔɔ, heyaa soɡe deŋɡarere dor, a do kɛŋɔ he soɡe bwetal harɛ waa chɔa kaa ta ken. He yon ŋɔ, “Umee dɛ́ won ba yo yaa ɔ? Umee dɛ́ won ba ku ya danjwɛkpeɡa dɛ́ jo ya be nɔ?”

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Jeremia 32:32

Juda ne Israel tena wechɔɡa baa ɛa la wa, ba ne ba koranar ne nomonome dɛ n sɔfore dɛ n keamere la bwa.

Jeremia 48:38

Moab saldor ne bɔra baa dɛ cheme bwa, wobɛlbwa toole ka ja wii ta, dɛkalkɛ n chɔɡ o bwa, kɛŋɔ loŋ baa wola nyin kpa la ken. Men Korowiirii bola.

Joel 3:12

Harɛre ta nɛra bwa ir nyu ne, dɛ́ ba kaa Jehosafat Fɛlembɔjen la bini. Belaa men Korowii ɛɛ ba bala dɛ́ ba so, dɛ́ bol harɛre nɛra baa bara cheme bwa waa dɛ́ pa bole.

Joel 3:14

Nɛra kaɡboŋa baa wola nyoa dɔe, lɔ Jehosafat Fɛlembɔjen bini. Dɛkalkɛ, Tɔpere Korowii aa lea cheɡ la telo tonɛ, fɛlembɔjen la bini.

Maeka 3:6

Anomanta, keame nyosonteŋna, a dɛ ba doe kɛŋɔ bɔr aa joa ta he nɛ, haa won dɛɛ na chaahna kɛɛ dɛɛ voɡɛ ɡe kpa.

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Matiu 10:27

Waa maa dɛ bol he be biro ta la, hé bola webaŋa, ásɛ waa maa sɔah bol he be la, hé bola nɛnlaa baah.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Mmarare 22:8

Dɛ he do dea aa, ɛ kon bar sal la nyoa, ásɛ a bɛ ba kɛŋɔ nomɛl teeh sal la, dɛ́ le nyundua bela dɛ́ ba le harɛ sewɛ, dɛ́ kpɔ waa do he nyoa.

Sitɔɔla 18:23

Ba teŋɛ ba nɛɛ dɛ kpɔ takpeɡ dɛɛ yer ba, asɛ Dan dea tena la laa berɛ dɛ bɔɔ Maeka ŋɔ, “Bɔkwa waa yɔ? Ɛrɛɛ he yerɛ he nɛra bá ba yo yaa nɔɔ?”

1 Samoɛl 11:5

Buɡ la ta, dɛ Sɔɔl teŋɛ o nae baa kpɔa dɛɛ parɛ le koo ta dɛɛ ba. Waa no wii la, o bɔɔrɔ ŋɔ, “Bɔkwa waa chiɡa ɔ? Ɛrɛɛ bɛlbwa ɛɛ wi ɡɛ nɔɔ?” Asɛ ba bol waa Jabes baala la aa baa bol la ba be.

1 Samoɛl 3:1

Samoɛl lɔ sɔfo Eli sie dɛɛ ɛ Korowii toma. Gɛ saŋ dɛ Korowii waa waa cheɡɛ nɛra nɛɛ dɛɛ bol la ta warɛ. Dɛ waa nae chaahna ta ɡe aa kanɛ.