9 Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”
“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.
Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.
Mɛɛ do harɛre nɛra baa pɛ nyoa dɛ do kpeɡrii le weekaŋle nyunduabɔr, bá bar Babelɔn tena cheme, dɛ́ yoo ba, dɛ́ pɔ ba nɛ. Ba do kɛŋɔ kpaahna baa jemɛ hɛma tae kɛrɛdɛ, baa wola tae dɛɛ kur.
Hé ir fraŋkaa harɛ la ta! Hé hoh bɛla ásɛ harɛre nɛra jemɛ! Hé boa harɛre nɛra nyoa ásɛ ba ka yo Babelɔn tena. Bol Ararat ne Mini dɛ Askenas harɛre nɛra be. Le laa sitɔɔ waa tɔ ba sie, dɛ́ kpɔ jaɡre aa wara kɛŋɔ tontombɛ dɛ́ ka yo.
Asɛ dɛ berɛ ŋɔ, ‘Gɛ maa ɡela bwe la morɛ la, ɡɛɛ mɛɛ ba ɡela Babelɔn chɔɡ baa wola won kwaa vɔrɔwo kpa, wenaale Korowii aa kpɔa dɛɛ ba ba ta ba nɛɛ la wa.’ ” Men Korowii keame Jeremia, n wobol jaɡɛ bonɔ.
Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”
Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.