Aesaya 21:16 - mzwDBL

¹⁶ Korowii berɔ ŋɔ n be ŋɔ, “Gɛ paadii yon jemɛ kɛŋɔ benanyoa wɛɛ ba o toma tona la, ɡɛɛ Keda tena jirima bwa ɛɛ ba tona benanyoa.

Aesaya 21:16 ပူးပေါင်းရင်းမြစ်များ

Mumpar 25:13

Ismael bii waa lol ba la, kenii ba teŋɛ dɔŋa nɛ, Nɛbayɔt ne Keda ne Adbeel dɛ Mibsam,

1 Webena 1:29

Ismael bibaala waa lol ba la, kenii ba teŋɛ dɔŋa nɛ, Nɛbayɔt ne Keda ne Adbeel dɛ Mibsam,

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Aesaya 16:14

Taraken Korowii berɔ ŋɔ, “Gɛ paa te yon dɛɛ do o tɔpere la, ɡɛɛ Moab tena ɡe tɔpere do. Bonɔ bene atoro Moab kondɔɔh bwa dɛ́ ba chɔɡa ó di ncho. Nɛn damanta baa lɔ o ta bwa, tamaa kenii dɛɛ ba kae, baa ɡwɛɡroo.”

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Jeremia 2:10

Hé ɡale kaa wee cholibɔr Saepros mpo nyoa harɛ ta ka na. Hé tomɛ nomɛl ó la Keda harɛ wee leebɔr ɡe ka nyiŋi. Hɛɛ nao kɛŋɔ waa aa do ken nɔ dɔŋa ta chiɡe ka.

Jeremia 49:28

Korowii bol Keda dea tena ne Hasɔ harɛre Babelɔn Kooro Nebukadnesa aa yoa dɛ pɔ ba nɛɛ la waa ŋɔ, “Hé ir, dɛ́ ka yo Keda tena, dɛ́ kpoo nɛra baa soɡe pua hɛŋle ɡbo harɛ ta wee leebɔr.

Ɛsekeɛl 27:21

Arab tena ne Keda harɛ ta koranar ne he di bona. Ba kpɔ pebiiri ne pebala dɛ boohna ba charɛ laala he be.