Aesaya 21:15 - mzwDBL

¹⁵ Ba chwao dɛɛ le keri, ne hɛma baa hara dɛɛ ba ba tae, dɛ wekpeɡa aa lɔ laa ta la nyoa.

Aesaya 21:15 ပူးပေါင်းရင်းမြစ်များ

Aesaya 13:14

Hɔɔhra baa soɡe Babelɔn ɛɛ lɔɔ peɡre, dɛ́ kaa ba harɛre ta kɛŋɔ kpaahna aa jo kweɡli baah a lɔ peɡre la. Baa chwao peɡre kɛŋɔ peera aa wola teɡre dɔe ken.

Aesaya 13:15

Nomɛlbwa baa lawɔ la, baa yaɡɔɔ kere nee kpo.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 22:3

He bwɛjen la nomonome bwa pɛo chwa, kɛ ba laɡ ba, dɛ ba ta ban hɛma tae. Hale ba dɔma aa lɔ bojaŋ ba chwa kaa kwaraa la, ba lawɛ ba bwa.

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.

Aesaya 33:3

He kɔr harɛre nɛra laa ta naa, ba dɛ chwa, he iro che ɡe aa, nɛra dɛ peɡre.