Aesaya 20:2 - mzwDBL

² a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

Aesaya 20:2 ပူးပေါင်းရင်းမြစ်များ

2 Samoɛl 15:30

Kooro Devid teŋɔ teeh kaa Ɔlevere Bwejen la doa dɛ kaa wi, o kpɔ kon bɔle nyu dɛɛ valɛ nakpapɛɛ, a baɡle kɛ o loo kuu. Nɛra baa ja o nɛɛ la bwa ɡe kpɔ kwaa tɔ nyuune dɛ wi teŋɛ, dɛ teeh dɛɛ kaa.

2 Samoɛl 6:20

A habɔɔ Kooro Devid aa kaa dem dɛ ka soŋe andɛɛɡa tɛ o dem tena la, Kooro Sɔɔl bihaah Mikal leɔ ba chemo dɛ ŋɔ, “Na ɡɛ Israel kooro aa lɛ sɔn tɛ o te fini ɡɛ. O ɛ o te kɛ ɡɛne dɛɛ sa o bitoli sie!”

2 Koranar 1:8

Ba chaŋe ŋɔ, “Batakaare waa doa la ɛ oltɔn, dɛ berɛ kpɔ oltɔn ɡe vɔwɛ kiriso.” Kooro la ŋɔ, “Tisbe te Elaeja laanee.”

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Kaala 3:5

Anee Korowii ŋɔ, “Bɛ suuh tel. Foo he naŋɡawa, dɛkalkɛ bela haa cheɡa la ɛ boɡoroŋ.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Aesaya 37:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Ɛsekeɛl 24:17

Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

Ɛsekeɛl 24:23

Hɛ́ ɡel yapondɛɛɡa la vɔwɛ he nyuune, hé do naŋɡaware, dɛ bɛ wi, hɛɛ ɡwaŋɔɔ he wechɔɡa nɔ wa, bɛlbwa sɔh dɛɛ wi.

Ɛsekeɛl 4:1

Korowii berɔ ŋɔ men Ɛsekeɛl be ŋɔ, “Nɛwɛnyini bie, nyin berekese dɛ́ kpɔ bil he sie, ásɛ dɛ ɛ bwɛjen Jerusalam dawɛ o ta.

Ɛsekeɛl 4:5

N kpɔ ba wechɔɡa baa ɛa la bwa dawɛ he nɛ. Tɔpera lafraatoro fifraanuanaarɛɛ hɛɛ ba Israel tena wechɔɡa cheɡa.

Maeka 1:11

Safir tena, hé valɛ ba kaa bojaŋ harɛ ta mumɡbal ne sihiih ne. Bwɛjen Saanan tena ɡe, hé bɛ lii ŋɔ hɛɛ le o taa. He baa no kɛŋɔ Bɛt Ɛsɛl tena dɛ wi aa, he jemɛ kɛŋɔ he ta sɔɔhbɔr ba be bela dɔe.

Maeka 1:8

Men Maeka ŋɔ, “Anɔ nomanta mɛɛ wiu dɛɛ dooɡe lɔŋɔre, á baɡle kɛ n dɛ di suna. Mɛɛ valɛ nakpapɛɛ ne mumɡbalee, dɛ́ si kɛŋɔ kalampoŋa, dɛɛ si kɛŋɔ kwiu ken.

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 3:4

Gɛ Jɔn nɔ, nyoɡma pona nee ba sɔh o yal, asɛ o kpɔ ol tɔn ɛ kiriso dɛɛ vɔwɛ o chara. O kondikwaa ɡee tontombɛ ne tooh.

Amanesoma Jɔn Aa Chwera Tɔn 21:7

Anee Yeesu habɔteŋre waa dɛ nyinu kohona la ŋɔ Pita be ŋɔ, “Ya Dɔɔree.” Dɛ Seemɔn Pita foo o batakaare bil. Waa noa kɛŋɔ ba Dɔɔree la, o berɛ kpɔ do, dɛ le nee la ta.

We-ɛɛla 19:16

Ate, dɛ baa la kwaa aa dɛ ir o nɛɛ la ɡuɡ ba dɛ lɔɔ ba, dɛ a ɔma. O do ba bola, dɛ kɛɛ ba laala dɛ wur ba, asɛ ba chwa le o dem bela.

We-ɛɛla 21:11

Waa ba ya be la, o baa kpɔ Pɔɔl kiriso, dɛ vɔrɔwe o ɡbaɡba nɔɔra ne nakpale dɛ ŋɔ ya be ŋɔ, “Kenii Korowii Domadɛɛɡe ŋɔ, Juu tena ɛɛ vɔrɔwe kiriso nɔ te kenii Jerusalam, dɛ kpɔɔ do nɛra baa wola Juu tena ɛɛ nɔn ta.”

Josua 5:15

Anee Korowii laa sitɔɔ la ŋɔ Josua be ŋɔ, “Laa he naŋɡawa foo, bela haa cheɡa nɔ do ɡoroŋ.” Ate, Josua laa o naŋɡawa la foo.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

1 Samoɛl 19:24

O foo o laala dɛ ka che Samoɛl sie, dɛɛ bol Korowii waa la dɛɛ sa. O chɔ mumɡbal ɡɛ tɔpebir la bwa, webaŋa ne jwaana. A waa nɛra yon dɛɛ bɔɔ ŋɔ, “Kooro Sɔɔl ɡe ja Korowii keamere la nɛɛ kɛɛ?”