Aesaya 2:19 - mzwDBL

¹⁹ Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 2:19 ပူးပေါင်းရင်းမြစ်များ

2 Samoɛl 22:46

Ba bambile chɔɡɔ, dɛ kpɔ bochela le ba dekpeɡa bini dɛɛ ba.

Job Tɔn 9:6

Korowii ɡelɔ harɛ ɛɛ jiɡri dɛ́ le o buɡ ta, ásɛ kwaa waa chɔŋɛ a ta, a do kɛ pilare la ɛɛ yiiɡi.

Yela 7:6

N Naa Korowii, ɡel he baah di. Kpɔ ba che n dɔma ba baah aa di n nɛɛ kohona la nɛ. Ir nyu ne tɛ mɛ, dɛ́ pa bole.

Aesaya 13:13

Mɛɛ ɡeloo nyundua yiiɡi, ásɛ harɛ jiɡri dɛ́ le o chebɔr, ɡɛ tɔpere men Koranar Bwa Kooro aa baɡle n bandia harɛ nɔ ta la.

Aesaya 2:10

Hé bwa chwa ka jo bwebɔɔne bini, hé takapɔ dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri dɛ o jirima kohona la ta.

Aesaya 2:21

Baa kpɔ ɔmee chwa ka jo bwebɔɔne, ne bwejena aa peɡra la baah, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Aesaya 24:18

Nomɛlbwa waa no ɔmewaa ɡbɔɡa dɛ́ chwa la, wɛɛ ka le bɔɔ binii. Nomɛlbwa ɡe waa le bɔɔ bini dɛ́ takapɔ ir la, wɛɛ le bel taa. Nyundua ɛɛ piluu nee fuɡe, kwaa harɛ aa cheɡɛ a ta ɡe yiiɡi kohona.

Aesaya 24:19

Harɛ ɛɛ peroo, wɛɛ jiɡruu dɛ́ peɡri.

Aesaya 30:32

Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 33:10

Korowii ŋɔ harɛre nɛra be ŋɔ, “Mɛɛ iruu name. Mɛɛ baɡle n kpeɡri aa ɡwaa komɛlbwaa.

Aesaya 7:19

Baa bao dɛ́ ba su fɛlembɔɔne ne bwebɔɔne bini, dɛ́ tɔ sɔɔhne ne kondɛɛra dibɔra bwa ta.

Jeremia 16:16

Korowii ŋɔ wɛɛ ɡeloo dɔma baa wara ba lawɛ nɛra nɔ, kɛŋɔ nɛra baa dɛ ɛ nee toma yon dɛɛ lawɛ pɛŋa la ken. Dɛ́ ɡel dɔma ɡaaɡe ba bɔr bwea ne deŋɡarere dɛ bwebɔɔne bwa ta, kɛŋɔ kpaahna yon dɛɛ nyin ola dɛ́ kpo la ken.

Jeremia 4:29

Nɛra baa soɡe jaɡre ta, ne banɔ la baa kpoŋe tori ɡbɔɡa ɡelɔ nɛra bwa chwa kaa. Bane chwao ka sɔh kɔne bini, bane chwa ka teeh bwea. Bwɛɛre la bwa chɔ pɛɛ, nɛra toole a bini.

Jeremia 48:28

Moab tena, hé chwa le he bwɛɛre ta dɛ́ ka so bwea dor. Hé ka sɔh he kɔne bwebɔɔne nyoo, kɛŋɔ borɔnomare ken.

Ɛsekeɛl 33:27

Ŋɔ men Nemenɛ Korowii ŋɔ, ‘Ń ŋwɛɛrɔ kɛŋɔ n taa lole nɔ, baa kpoo nɛra baa kaa dɛ ta so bwɛjena aa paɡra la ta bwaa. Banɔ la baa chwaa ka so kpɔɡ bini la, kpɔɡ bini olchɔɡaa dɛ́ di ba ola, ásɛ weechɔɡa kpoo banɔ la ɡe baa chwaa ka so dekpeɡa ne bwebɔɔne bini.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Maeka 7:17

Baa di teeraa kɛŋɔ harɛkon, kɛŋɔ kwaa aa dɛ tuuɡi tea ta ken. Baa le ba dekpeɡa taa bochela ne ɔmee ne, dɛ́ berɛ ba hen Korowii yaa dɛ tomɛ sie.

Neehum 3:11

Gɛɛ he Niniwe tena ɡe ɛɛ ba dɛɛra dɛ́ chwa ka sɔh, dɛ́ nyin bɔr ka marɛ he dɔma bɛ heyaa na.

Haɡae 2:6

Koranar Bwa Kooro bol Haɡae be ŋɔ, “A ka tamaa ken mɛɛ yiiɡi nyundua ne harɛɛ dɛ mpo.

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Amanesoma Luk Aa Chwera Tɔn 23:30

A ɡɛ saŋ nɛra ɛɛ ŋɔ bwejena ne deŋɡarere bee ŋɔ, ‘Hé choɡli tɔ ya nɛ.’

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.

Hibru 11:38

Dɛ nɛra baa dɔ harɛ nɔ ta ɡbo liire ta chɛɛ kɛ ba ne a ɡɛ Korowii nɛra baa ɛ nɛnjena nɔ pɛ so. Ba ta soŋnibɔr dɔe, dɛ do pua hɛŋle ɡbo harɛ ne bwea dor dɛɛ ɡaaɡe, dɛɛ so bwebɔɔne ne bɔpɛɛne bini.

Hibru 12:26

Waa bol waa ɡɛ saŋ la, harɛ jiɡro. Kɛ taraken te, o baɡɛ nyoa ŋɔ, “Mɛɛ ba jiɡri harɛɛ kerabeŋkpoŋ ja. Harɛ ɡbo laa mɛɛ ba jiɡra. Mɛɛ jiɡri nyundua ɡee ja.”

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 16:18

Asɛ bwaala ɛɛ nyɛɡle pelɔpelɔ bobɛlbwa, dɛɛ jiɡri, dɛɛ kɔɡre, asɛ harɛ jiɡri kohona. Korowii aa ta nɛwɛnyini bwa, harɛ ta ɡɛ jiɡre bwa. O jiɡra la ɔma.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 9:6

Ásɛ ɡɛ saŋ baa nyin kɛ seo ba kpoo ba, kɛ baa dɔ, ásɛ seo chwa le ba be.

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

1 Samoɛl 14:11

Anomanta, Jonatan ne o bonɔɔ la ɡelɔ Filisti tena la na ba. Asɛ Filisti tena la ŋɔ, “Hé na, Hibru tena la bane huuhno le bɔɔne baa chwaa ka sɔh a bini la bini dɛɛ ba.”