Aesaya 19:5 - mzwDBL

⁵ Nael Moo waa chɔ bela ɛɛ hweehroo, ásɛ o nenabɔɔ bini hol chɔ.

Aesaya 19:5 ပူးပေါင်းရင်းမြစ်များ

Jeremia 51:36

Anomanta, Korowii bol Jerusalam tena be ŋɔ, “Hé no, mɛɛ che he habɔɔ dɛ́ yo, dɛ́ bɔ he dɔma Babelɔn tena kem waa baa ɛ heyaa la wa. Mɛɛ tɔ Babelɔn neerare nyuunee, a ɡel ba buli bwa ɡe hweeh.

Ɛsekeɛl 30:12

Mɛɛ ɡeloo nenabɔɔne aa su Nael Moo ta hweeh, ásɛ dɛ yoɡ harɛ la tɛ nɛnchɔɡa. Mɛɛ ɡeloo nɛŋhɔɔhra ba chɔɡ harɛ la, ne komɛlbwa aa lɔ o ta o chɔ pɛɛ. Men Korowiirii bola.”

Sekaria 14:18

Ijipt harɛ ta tena ta laŋɛ dɛ ɡe ka tomɛ aa, bwaala aa ban nɛ. Korowii ɛɛ kpɔ weechɔɡa waa kpɔ ta harɛre nɛra báa wola la ka di Kukure Tɔpejen la nɛɛ.

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Job Tɔn 14:11

Gɛ neerare yon ɡel pala, ásɛ nenabɔɔne hweeh dɛ́ hol la,

Aesaya 15:6

Nimrim nenabɔɔ nee bwa hweehrɔ kwaraa, kpɔɡa aa lɔ o nyoa bwa holɔ, papo-lwɛɛ bɛlbwa toole dɛ ta che bela kpa.

Aesaya 23:11

Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 37:25

He ɛ mbarafo ŋɔ, he kwi buli harɛfala ta, dɛ nyɔ a bini nee bela. Dɛ ŋɔ he laa tena nakpale ɡbo ɡelɔ Ijipt Nael Moo hweeh.