Aesaya 19:25 - mzwDBL

²⁵ Koranar Bwa Kooro ɛɛ swee andɛɛɡaa tɛɛ ba dɛ́ ŋɔ, “Ijipt tena baa ɛ n nɛra, ne Asiiria tena maa ta ba, dɛ Israel tena maa lee ba tɛ n te la, ba na som.”

Aesaya 19:25 ပူးပေါင်းရင်းမြစ်များ

Aesaya 29:23

Ba baa na ba bii ba bini, ɡɛ maa ɡela ba warɛ la aa, baa duu mɛɛ, dɛ́ sɛh kɛŋɔ menee Israel Nɛŋɡoroŋ la, dɛ́ ɔmɛ men Korowii baa dɛ tom mɛ la kohona.

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Yela 138:8

N Naa Korowii, hɛɛ ɛ waa haa baɡ mɛ nyoa laanee. He nyina haa dɛ nyin yaa lole saŋ bɛlbwa dɛɛ la, anomanta, bɛ he ɡbaɡba nɛra haa ta yaa la vɛh.

Yela 115:15

Korowii waa ta nyundua ne harɛ la, swee heya andɛɛɡa.

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

Aesaya 61:9

Ba sɔn ɛɛ leo harɛre nɛra bwa bini, ásɛ nomɛlbwa waa na ba jemɛ kɛŋɔ banee n swee andɛɛɡa tɛ.”

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Nɛra Kura 6:27

Korowii ŋɔ, “Gɛɛ Arɔn ne o bibaala ɛɛ ba sweera tɛ Israel tena, ásɛ n ɡel ba na som.”

Nɛra Kura 6:24

“Kórowii kwaa he kwa, dɛ́ kpɔ nɔn tɔ he nɛ.

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Aesaya 65:23

Baa koh ta pɛɛ bwa, ba tomare bwa ɛɛ do werii tɛɛ ba. Wekpeɡa ɡe aa ba bii nɛɛ ba bwa. Mɛɛ swee andɛɛɡaa tɛ ba ne ba naanaree saŋ bɛlbwa dɛɛ la.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Aesaya 45:11

Korowii, Israel Nɛŋɡoroŋ waa ta ba, dɛ́ jemɛ waa aa chiɡ kerekere la ŋɔ, “He ta ŋwɛnɛ dɔe kɛŋɔ, hé bɔɔ mɛ n bii wa, kɛɛ dɛ́ baɡ mɛ ɡɛ maa ɛ.

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

1 Pita 2:10

He fa ta Korowii nɛra ɛɛ, kɛ taraken te, o nɛraa heya. O fa ta he sum nae, kɛ taraken te, o na he sum.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Tɔn Pɔɔl Aa Chwerɛ Rom Tena 3:29

Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le.

Nɛra Kura 24:1

Balam aa naa kɛŋɔ a too Korowii tea kɛŋɔ o swee andɛɛɡa tɛ Israel tena la, o ta laŋɛ ka voɡɛ ɡɛ o fa aa dɛ ɛ la. O berɛ sie chaɡɛ pua hɛŋle ɡbo harɛ la ta.

Aesaya 19:24

Awola tɔpere la, Israel tena dɛ ba Ijipt ne Asiiria tena nɛɛ jae, dɛ́ ɡel harɛ nɔ ta nɛra bwa na som.

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.