Aesaya 19:21 - mzwDBL

²¹ Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 19:21 ပူးပေါင်းရင်းမြစ်များ

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Sefania 3:10

N nɛra baa lɔa peɡre ka do Itiopia harɛ bojaŋ la ɛɛ ba saraha kwaa nee ba tɛ mɛ, dɛ́ baa tom mɛ.

Habakuk 2:14

Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.

Jona 1:16

Asɛ ɔmee lawɛ nɛra la bwa kohona Korowii wa, ba kpo kwaa ɛ saraha tɛo, dɛ baɡɔ nyoa ŋɔ baa tomɔɔ.

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 44:5

Bɛl ɛɛ bao dɛ ŋɔ, ‘Korowiirii mɛɛ tomɛ,’ ásɛ bɛl ɡe kpɔ Jekɔb sɔn dawɛ o nɛ, bɛl ɡe chwerɛ o nɔn ta kɛŋɔ ‘Korowii nɛnee men,’ ásɛ dɛ kpɔ Israel sɔn pa o te.”

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Wejereme 5:4

Saŋ bɛlbwa he dɛ baɡɛ Korowii nyoa aa, bɛ ɡel a biɡri he ɛ ɡɛ haa ŋɔa hɛɛ ɛo la, dɛkalkɛ Korowii sie aa nɛn waa ɡɛna waa wola o nyobaɡa ta teŋɛ nɛɛ lɛ.

Yela 67:2

ásɛ harɛ nɔ ta nɛra bwa jemɛ waa haa dɛ nyin, ɡɛ aa ɛ ásɛ ba bwa na ɡɛ haa won nɛra lɛɛ.

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.

Yela 61:8

Anee dɛ́ ɡel n ɡo yela kpɛɛ he sɔn saŋ bɛlbwa, dɛɛ chuɡri n nyobaɡa tɔpere bɛlbwa.

Yela 68:31

Nomonome ɛɛ che Ijipt tena naa taa ba, ásɛ Itiopia tena ɡe kpɔ ba te ba do Korowii lɔɡa.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Yela 68:32

Harɛre nɛra, hé ɡo yela kpɛɛ Korowii, hé ɡo yela kpɛɛro,