Aesaya 19:18 - mzwDBL

¹⁸ Awola tɔpere la, Ijipt harɛ bwɛjena anue tena ɛɛ bol Juda tena wobolee, dɛ́ kpɔ ba te tɛ kɛŋɔ baa tomɛ Koranar Bwa Kooro. Baa pa bwɛjena la bɛl sɔnee ‘Bwɛjen waa dɛ ba Chɔɡa’.

Aesaya 19:18 ပူးပေါင်းရင်းမြစ်များ

Sefania 3:9

A ɡɛ saŋ la, mɛɛ beɡre harɛre nɛra bwa liiree, ásɛ dɛ ɡel ba ɡel voɡa toma dɛɛ yerɛ n sɔn ɡbo. Ba bwa ɛɛ pɛ nyoa dɛɛ tom mɛ.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

Yela 68:31

Nomonome ɛɛ che Ijipt tena naa taa ba, ásɛ Itiopia tena ɡe kpɔ ba te ba do Korowii lɔɡa.

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Mumpar 11:1

Wubwa la, dɛ nɛwɛnyina bwa fa ɛ beŋkpoŋ dɛɛ bol wobol beŋkpoŋ.

Aesaya 65:16

Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.