Aesaya 19:16 - mzwDBL

¹⁶ Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 19:16 ပူးပေါင်းရင်းမြစ်များ

Yela 48:6

Bochela laɡ ba bela, kɛŋɔ loltea aa lɔ haah ken,

Kaala 11:6

Nɛra ɛɛ dɛɛ dooɡe lɔŋɔree dɛɛ wi kohona harɛ la ta a dɔŋa aa wola chiɡ bwa. A dɔŋa ɡe aa chiɡ kpa bwa.

Aesaya 10:32

Fini tɔpere nɔ, baa bao dɛ́ ba che Nɔb. Baa nyiŋi Jerusalam Saayɔn Bwejen la taa, dɛ́ ume nɔɔra pa ba nɛɛ dɛɛ aah ba.

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 13:2

Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.

Aesaya 30:17

He nɛra kaɡboŋ ɛɛ na he dɔm beŋkpoŋii dɛ ɔmɔ dɛ́ chwa, he dɔma banue ɛɛ ɡeloo he bwa chwa, a ka he laa fraŋkaa ɡbo pa deŋɡare ta.”

Jeremia 50:37

Hé chɔɡ ba jaɡre ne kwaa aa do kɛ torɔɡore la! Hé ka kpoo laa tena baa ba dɛ cha ba la bwa! Hé na ɡɛ baa ɡwɛɡra! Hé chɔɡ deene baa dɛ cheɡ laala a yoɡ aa kpeɡa a bini. Baa paa kɛŋɔ laa ta kwaa kaa.

Jeremia 51:30

Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.

Obadia 1:9

Bwɛjen Teman laa tena bwa ɛɛ ɔmɔɔ kohona. Baa kpoo ba bwaa Edom harɛ la taa.

Neehum 3:13

He laa tena bwa berɛ haahna. He bwɛjena doonyoo pilo paɡri nɛɛ tɛ he dɔma, a doonyoo ɡbeni bwa fuoh.

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Sekaria 2:9

Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.

1 Kɔrent 2:3

N fa aa lɔ he be la, n ta kpeɡri dii he nɛ. Ɔmee ne bochela nee n ɛ toma he bini.

2 Kɔrent 5:11

Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

Hibru 10:31

Wobɛlbwa toole dɛ do ɔma, kɛŋɔ haa ɛ wechɔɡ-ɛɛ dɛ jo Korowii waa lole saŋ bɛlbwa la nɔn ta.