Aesaya 18:7 - mzwDBL

⁷ A ɡɛ saŋ la, nɛra baa kpeɡa kohona ba bwara do wer, ba do ɔma harɛ nɔ bwa ta, dɛɛ tiɡri ba dɔma nɛ, neerare peɡri ba harɛ bini la, baa kpɔ koŋkɛɛlaa ba tɛ Koranar Bwa Kooro Saayɔn Bwejen ta, bela baa dɛ tomɔ.

Aesaya 18:7 ပူးပေါင်းရင်းမြစ်များ

2 Webena 32:23

Nɛra warɔ kpɔ saraha kwaa ba tɛ Korowii Jerusalam pirim, ne koŋkɛɛla a yoɡ aa kpeɡa ba tɛ Juda Kooro Hɛsɛkea. Le bela dɛɛ kaa la, harɛre nɛra bwa kpɔ jirima tɛo kohona.

Yela 68:32

Harɛre nɛra, hé ɡo yela kpɛɛ Korowii, hé ɡo yela kpɛɛro,

Aesaya 16:1

Bwɛjen Sela tena, hé lawɛ pebiiri dɛ́ kpɔ ka tomɛ Israel tena kooro. Hé tomɛ nɛra bá kpɔ le pua hɛŋle ɡbo harɛ dɛ́ kaa Saayɔn Bwejen ta.

Aesaya 18:2

Ba dɛ tomɛ toroma bá so dafɛɡa ɡbeni bini, dɛ́ kpɔ Nael Moo sie. Toroma haa ɡbaŋa, hé la harɛ o nɛra aa kpeɡa kohona ba bwara loɡa la be, nɛra baa do ɔma harɛ nɔ bwa ta, dɛɛ tiɡri ba dɔma nɛ neerare peɡri ba harɛ bini.

Aesaya 18:4

Korowii ŋɔ n be ŋɔ, “Mɛɛ so nyundua dɛ́ nyiŋi jeiih ken, kɛŋɔ wee aa lea bɔr wɔrɔbe, kɛɛ mɛne aa dɛ ta wee lɔ a ta aa nyɛɡle kwaa koma saŋ la.”

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Habakuk 1:7

Ba waa dɔ ɔmee ne hundam, ba ɡbaɡba mmara taa baa teŋɛ, baa nomɛlbwa waa no.

Sefania 3:10

N nɛra baa lɔa peɡre ka do Itiopia harɛ bojaŋ la ɛɛ ba saraha kwaa nee ba tɛ mɛ, dɛ́ baa tom mɛ.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.