Men Korowii ɛ n liire kɛŋɔ wekpeɡa bele anaarɛɛ mɛɛ ba ɡela ba na. Baa kpoo ba laa taa, ásɛ nyootena tuɡ ba ka ta. Jumbii ne kpɔɡ bini olaa dɛ́ di ba ola kabora.
Kɛ he te, ba kpɔe viɡri kɛŋɔ baa teŋe daa ta ken, ba ta hen huɡe. Nɛra baa ka laa ta la lalaa tɔ he nɛ, ba kpɔ he ne ba bwa ta bwebɔɔ bini dɛ tiɡri he nɛ.
Nyiŋi Babelɔn tena harɛ na, ɡɛ nɛra nɔ fa toole wobɛlbwa bini. Asiiria tena ɡelɔ o berɛ pua hɛŋle ɡbo harɛ ola sobɔr. Ba ma konjaŋa dɛ pɛl danjwɛɛre aa bar bwɛɛre la ta, dɛ che a ta jo, dɛ kuuɡi dekpeɡa bela bwa berɛ dimɡbia.
Mɛɛ yerɛ nomɛlee le bojaŋ harɛ wee leebɔr, ásɛ o ba tawɛ harɛ nɔ ta nɛra baah ta kɛŋɔ kela ken, dɛ́ ba tonɛ anɔ la maa maɡla bil bwa. Waa maa bola la, anee dɛɛ ba ɛɛ.
“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”